Şu günki programmamyzda: Lebapda we Daşoguzda Internet üpjünçiligi ýene ýaramazlaşdy, ‘Starlink’ ulanýanlar peýda bolýar; ABŞ parahatçylyk çarçuwasynyň Ukrainany “doly gorar” ýaly “täzelenip, kämilleşdirilendigini” aýdýar, emma jikme-jiklik az we beýleki maglumatlarymyzy diňläp bilersiňiz.

Lebap we Daşoguz welaýatlarynyň çäginde Internet üpjünçiliginiň hili ýene ýaramazlaşyp, tizligi pese gaçdy. Ilaty Internet bilen üpjün edýän kärhananyň ýerli edaralarynda nägilelik bildirýän ýaşaýyjylar köpelýär.

Balkan welaýatynda humar oýunlarynyň dürli görnüşleri köpelýär. Türkmenistanda dowam edýän ykdysady kynçylyklaryň, giň ýaýran işsizligiň arasynda, bularyň ilat arasynda meşhurlygy artýar. Bu oýunlarda müňlerçe manat pul ýitirip, maşgalalary dargaýan ýa-da öz janyna kast edýän adamlar hem köpelýär.

Şu günki programmamyzda: 'STOP Methane': Türkmenistan dünýäniň iň uly metan syzdyryjysy; Lebapda we Daşoguzda suw ýetmezçiligi ýitileşýär. Muňa näme sebäp bolýar? we beýleki maglumatlarymyzy diňläp bilersiňiz.

Şu günler Türkmenistanda suw ýetmezçiligi ýurduň oba hojalygynda has ýiti duýulýar. Ýurduň dürli künjegindäki daýhanlaryň ençemesi güýzlük we gyşlyk suwaryş işleri üçin suwuň ýeterlik däldigini, ýaplarda we akabalarda suwuň ýokdugyny aýdýar.

Türkmen-özbek serhetýaka zolagynda gurlan söwda merkeziniň açylanyna bäş gün boldy. Muňa garamazdan, türkmen tarapy söwda merkeziniň heniz taýyn däldigini aýdyp, bazary işe girizmeýär we türkmen raýatlaryny söwda zolagyna goýbermeýär. Bu ýagdaý Daşoguzyň ençeme ýaşaýjysynda nägilelik döredýär.