Türkmenistanyň Halk Maslahatynyň başlygy Gurbanguly Berdimuhamedow 20-nji oktýabrda Owganystana bardy. Bu aralykda, uly Berdimuhamedowyň bu sapary döwründe Mary welaýatynyň serhetýaka sebitlerinde howpsuzlyk çäreleri güýçlendirildi, Internet üpjünçiligi tas düýbünden kesildi.

Şu günki programmamyzda: Ýerli synçylar ýaş nesliň ýurtdaky syýasy biparhlygy ‘bozmagyna’ umyt baglaýar; Zelenski Budapeştde Tramp we Putin bilen duşuşmaga “taýýardygyny” aýdýar we beýleki maglumatlarymyzy diňläp bilersiňiz.

Prezident Serdar Berdimuhamedowyň ýakynda Lebap welaýatyna eden sapary döwründe ýollaryň ýapylyp, hereketiň çäklendirilmegi bir göwreli aýalyň, hassahana gelip ýetişmändigi sebäpli, ýolda aradan çykmagyna sebäp boldy diýip, sebitiň polisiýa we saglyk bölümlerindäki ygtybarly çeşmelerimizi aýtdylar.

23-nji oktýabrda Ankarada 26-njy Administratiw kazyýetinde Türkiýede tussag edilen we soňra dereksiz ýitirim bolan türkmen aktiwistleri Alişer Sahatowyň we Abdulla Orusowyň sud işi boýunça kazyýet diňlenişigi geçiriler. Bu barada adam hukuklaryny goraýjy “Türkmen Helsinki Fondy” habar berýär.

Türkmenistandaky we halkara arenasyndaky soňky möhüm wakalar we meseleler barada ýörite informasion-habarlar programma. Bu programmada soňky möhüm wakalar we meseleler barada giňişleýin maglumatlar berilýär.

Balkan welaýatynyň Türkmenbaşy şäherinde giň gerimli arassaçylyk we abadanlaşdyrmak işleri geçirilýär. Edara-kärhanalaryň ýolbaşçylary bu çäreleriň ýokary derejeli döwlet ýolbaşçysynyň welaýata etmegine garaşylýan sapary bilen baglanyşyklydygyny aýdýarlar.

Soňky aýlarda Mary welaýatynyň Sakarçäge we Mary etraplarynda esasanam ýaşlaryň arasynda öz janyna kast etmek wakalarynyň göz-görtele köpelendigini synlasa bolýar diýip, Azatlyk Radiosynyň habarçysy 17-nji oktýabrda sebitden maglumat berdi.

Şu günki programmamyzda: Türkmenistanda pensiýany almak ýene kynlaşdy; Ahalda ilata arzan bahadan çäkli möçberde satylýan doňdurylan et üçin dükanlarda uly nobatlar döredi we beýleki maglumatlarymyzy diňläp bilersiňiz.