Şu günki programmamyzda: Maslahat edilýär, demirýol hyzmaty gowulaşmaýar - Çeşmeler; Türkmenabatda doňdurylan et arzan bahadan satuwa çykaryldy, ýerli mal eti ýene gymmatlap başlady we beýleki maglumatlarymyzy diňläp bilersiňiz.

Lebap welaýatynyň Türkmenabat şäheriniň “Gök” bazarynda arzan bahadan doňdurylan gäwmiş etiniň söwdasy ýola goýuldy. Munuň bilen bir wagtda, hökümet çäklendirmeleri esasynda emeli görnüşde arzanladylan ýerli mal etiniň bahasy gaýtadan ýokarlanyp başlady.

Mary welaýatynda ýakynda täzeden döredilen Oguzhan etrabynyň ýaşaýjylary şu günler öz şahsy resminamalaryny ýene çalşyp başlamaga mejbur bolýandyklaryny aýdýarlar. Bu ýagdaýlar barada Azatlyk Radiosynyň habarçysy 10-njy oktýabrda sebitden maglumat berdi.

Lebap welaýatynda ýyladyş möwsüminiň başlanmagy bilen, orta mekdepleriň erkek mugallymlary gije nobatyna çykmaga mejbur edilýärler. Mugallymlaryň ençemesi öz wezipe borçlarynyň üstüne "bikanun goşulýan" bu nobatlar üçin özlerine goşmaça hak tölenmeýändigini aýdyp, nägilelik bildirýär.

Türkmenistandaky we halkara arenasyndaky soňky möhüm wakalar we meseleler barada ýörite informasion-habarlar programma. Bu programmada soňky möhüm wakalar we meseleler barada giňişleýin maglumatlar berilýär.

Şu günki programmamyzda: Balkanly ýaşaýjy ýerli häkimiýetleriň çykaran karary bilen ylalaşman, Aşgabatdan “haraý gözleýär”; Türkmenistanda LGBTQ azlyklaryny ýetginjekleriň arasynda anyklamak boýunça çäre geçirilýär we beýleki maglumatlarymyzy diňläp bilersiňiz.