Şu ýyl ýokary okuw jaýlaryna dalaş etjek raýatlaryň sanynyň, geçen ýyllar bilen deňeşdirilende, az bolmagyna garaşylýan mahaly, Azatlyk Radiosynyň ýagdaýdan habarly çeşmeleri paýtagtyň ýokary okuw jaýlarynda ‘para kabul ediş möwsüminiň’ tamamlanandygyny aýdýarlar.

Türkmenabat şäheriniň daýhan bazarynda alyjylar dawalaşyp, bazar administrasiýasyndan sygyr etiniň ýokarlanan bahasyny sähel arzanlatmagy başardy. Oňler transport meselelerini, ýangyç gytçylygyny, walýuta durnuksyzlygyny bahanalaýan taraplar, bu gezek gymmatlamalara esas hödürläp bilmedi.

Şu günki programmamyzda: 'Arkadag' futbol toparynyň üstünligi: Hökümet mejbury çäreler bilen halkara sport ýeňşini gutlaýar; Sowet döwründen galan köne awtobuslar köçelerden aýryldy, täze awtobuslar azlyk edýär – Türkmenabat we beýleki maglumatlarymyzy diňläp bilersiňiz.

Türkmenistanda buýsanar ýaly halkara derejesinde üstünlikler kän bir gazanylyp durulmansoň, kiçeňräk halkara ýeňişleri hem hökümetiň guramalaşdyrýan mejbury çäreleri bilen gutlanýar diýip, bir ýerli synçy Türkmenistanyň ‘Arkadag” futbol klubynyň täze ýeňşini teswirledi.

Geçen hepdäniň ortalarynda Türkmenabatda sowetler döwründen galan köne, hususy awtobuslaryň gatnawy bes edilip başlandy. Ýerli ýaşaýjylar olaryň ornuna şäherde soňky ýyllarda has giň peýda bolup başlan täze, döwlet awtobuslarynyň ýerli ilatyň talabyny kanagatlandyrardan kemter galýandygyny aýdýarlar

Lebapda harby häkimiýetler gulluk borjuny ýerine ýetirmäge degişli raýatlary, şol sanda özleriniň gulluga ýaramsyz bolandyklaryny aýdýan raýatlary biraýakdan sürüp, harby gulluga çagyryp başlady. Çeşmeler bu ýagdaýyň harby gullukçylaryň san taýdan az bolmagy bilen düşündirilýändigini aýdýarlar.

Şu günki programmamyzda: Raýatlary harby gulluga çagyryş düzgünleri berkleşýär, ýaramsyzlyk kepilnamalary 'ünsden düşürilýär'; Balkanda türkmen ununyň gytçylygy dowam edýär; bişmedik bugdaýyň oragy başlandy we beýleki maglumatlarymyzy diňläp bilersiňiz.

Türkmenistanda ýiten çagalar barada maglumatlaryň hasaba alynmagy dowam edýär. Ene-atalar haraý sorap, häkimiýetlere we jemgyýetçilige ýüz tutýarlar, şeýle-de sosial ulgamlarda maglumat paýlaşyp, bu meselä ünsi çekmäge çalyşýarlar.