Türkiýede 28-nji aprelde polisiýa tarapyndan tussag edilip, şondan bäri Ankaranyň “Akýurt” deportasiýa merkezinde saklanýan türkmen aktiwistleri Alişer Sahatow we Abdulla Orusow 6-njy maýda başga deportasiýa lagerlerine geçirildi.

Şu günler Balkan welaýatynyň Balkanabat we Türkmenbaşy şäherleriniň ýaşaýjylary elektrik energiýasy bilen üpjünçiligiň ýygy-ýygydan bökdelmegine şaýat bolýarlar. Şeýle bökdençlikler hatda prezident Serdar Berdimuhamedowyň bu sebite amala aşyran iş saparynyň dowamynda hem gaýtalandy.

Şu günki programmamyzda: Öýlere baýdak asmaklyk talap edilýär, iri sosial hasaplar 'baýdak wideolary bilen çaýkalýar'; “Türkmen režimi ‘ideal we baky diktaturanyň’ möhüm şertlerini bozýar” – synçy we beýleki maglumatlarymyzy diňläp bilersiňiz.

Türkmenistanyň Halk Maslahatynyň başlygy Gurbanguly Berdimuhamedow 5-nji maýda resmi sapar bilen Fransiýada bolup, prezident Emmanuel Makron bilen duşuşdy.

Şu günler Tejen etrabynda raýatlardan ýaşaýyş jaýlarynyň we söwda dükanlarynyň diwarlaryna döwlet baýdagyny asmaklyk talap edilip başlandy. Bu talaplar soňky wagtlarda türkmen dilli sosial hasaplarda döwlet nyşanlary bilen bagly wideolaryň ýygy-ýygydan paýlaşylýan pursatlaryna gabat gelýär.

Türkmenistanda raýatlaryň häkimiýetleriň soňky döwürde aktiwistlere, garaşsyz žurnalistlere we öz hukuklaryny gorap çykyş edýänlere garşy güýçlendiren basyşlaryna bolan nägileligi artýar diýip, Azatlyk Radiosynyň ýerli synçysy ýutdaky soňky özgerişliklere ünsi çekýär.

Soňky günlerde Balkan welaýatynda kanun goraýjy edaralar ýerli ýaşaýjylar bilen ýygnak geçirip, daşary ýurtlarda ýaşaýan türkmen aktiwistlerine we garaşsyz habar serişdelerine garşy wagyz-nesihat çärelerini güýçlendirdi.

Şu günki programmamyzda: Berk çäklendirmeler, mejbury çäreler prezidentiň Balkana amala aşyran iş saparyna kölege saldy; Jynsy azlyklaryň wekilleri ýurtda özlerine ýowuz daraşylýandygyny aýdýar, Hajyýew 'beýle däl' diýýär we beýleki maglumatlarymyzy diňläp bilersiňiz.

Prezident Serdar Berdimuhamedow 1-2-nji maýda Balkanaiş saparyny amala aşyryp, Awaza milli syýahatçylyk zolagyna baryp gördi, Halkara howa menziliniň açylyş dabarasyna gatnaşdy. Ýöne bu dabaralar ýerli ilatyň aňynda berk çäklendirmeler astynda ýerine ýetirilen mejbury çäreler hökmünde galdy.