
Sign up to save your podcasts
Or


uNtando Mhlongo ongowase Nanda eThekwini onesifo samankwahla avuvukele. U-Ntando usesibhedlela sase
Mnambithi njengamanje lapho ezokwenza khona i-operation namhlanje ekuseni.
#Ukhozifmvabs :Sesitholakale isidumbu sengane uMemory Banda esaduka ngesikhathi kusha isakhiwo esaziwa nge Usindiso
esisenkabeni ye Goli. Kutholakale ukuthi isidumbu sisemangcwabeni ase Lenasia, sangcwatshwa omunye umndeni
owanikwa lesidumbu emuva kwalesigameko. Uyise ka Memory, u-Mike Ngulube usekhala ngokuthi kufanele akhokhe
imali ukuze kumbiwe isidumbu somntwana. Saxoxa no Mike ngo August lapho asichazela ukuthi bese kuphele unyaka
engayitholi incazelo ngesidumbu sengane yakhe eyashona ina 16 months. Kulesigameko kwaphinde kwashona no Joyce
unkosikazi ka Mike. Babalelwa ku 76 abantu abashona sebebonke ngesikhathi kusha lesakhiwo. Sikhuluma no Mike
kanye nomele inhlangano ezimele eyangenelela kuloludaba i- Socio Economic Rights Institute of SA. Sizamile ukuthola
uMnyango weZempilo wase Gauteng kepha sangaphumelela.
#Ukhozifmvabs :UMnuz Vumani Shelembe oyilungu lomphakathi lase Nadi eGreytown eKZN usakhe ibhuloho lezinyawo emva kokubona ubunzima umphakathi obhekana nabo uma bewela emfuleni iNadi. Unqume ukulakha yena lelibhuloho elimudle u-R50, 000 emva kokungaphumeleli kwezicelo abezifaka kumasipala wase Mvoti. Umeya wase Mvoti uMnuz Gabriel Malembe uphikile ukuthi lendawo ingaphansi kamasipala wase Mvoti uma simbuza ngalesimo esibhekene nomphakathi.
#Vukamotoring no Sbo Myeni :Njengoba ukuntshontshwa kwezimoto kuqhubeka nokwanda, ingabe enye yezimbhangela yalesenzo ukudayiswa kwezimoto eziyi write off noma eziba yi write off kwizikhukhula?
u-Yaya Mavundla oyi transgender ongowase Ntunjambili eKranskop eKZN. I-Pride Month iyingxenye yezinhlelo zokuqhakambisa ukuthi abathandana nobulili obufanayo bayingxenye yomphakathi futhi namalungelo abo adinga ukuhlonishwa. Kuzokhumbuleka ukuthi kwaqopheka umlando ngesikhathi uNdunankulu waKwaZulu-Natal uThami Ntuli ememezela ungqongqoshe wokuqala owaziwa ngokuthandana nobulili obufana nobakhe uMnuz Martin Meyer ongu Ngqongqoshe weMisebenzi yoMphakathi neNgqalasizinda. Sikhuluma no Yaya sizobuye sikhulume nophuma kwi Lesbian and Gay Community and Health Centre eThekwini.
Topic: Iziphi izinyathelo osuzithatheile ukuze ufundiseke kangcono ngabantu abathandana nobulili obufanayo? Ngabe uzizwa wamkelekile emphakathini, emsebenzini, emndenini njengomuntu othandana nobulili obufanayo?
Umculi kamaskandi uKhuzani Ndlovu owaziwa ngelika Gatsheni usakhele umndeni waso Phongolo eNtumbane eKZN indlu. Lomndeni ubuhlala endlini yodaka ebikade ivuza uma kunetha.
Ezweni Sakhile: Sixoxa no Khawulani Bhengu wase Ntuthela eKranskop, owaba isisulu seSikebhe.
uMnuz Bhengu oneminyaka engu 40 uthi wahlaselwa iSikebhe endaweni yase Mbhongolwana walimala kanzima ngenxa yokusolakala
ngokudlwengula isalukazi sase ndaweni. Lesehlakalo senzeka ngo June kulonyaka kanti uthi leSikebhe saphinde sahlasela amalungu omndeni akhe.
Uthe usephila ngokwesaba emphakathini ngenxa yalesehlo nokwaholela ekutheni avule icala emaphoyiseni. ISikebhe sichazwa njengenhlangano engenzi nzuzo, elwa nobugebengu bokwebiwa kwemfuyo ezindaweni ezehlukene eKZN.
Sizamile ukuthola uvo lwamaphoyisa kanye nomndeni osola uMnuz Bhengu ngokudlwengula kodwa abavumanga ukukhuluma nathi.
Uthini umbono wakho ngeSikebhe? Usuke waba isisulu seSikebhe noma nawe uyingxenye yaso?
From the publisher's feed
Vee Mthembu and Mroza