"Үлдэх үг" - Tagtaa Publishing

“Тагтаа” хэвлэлийн газраас эрхлэн явуулдаг урлаг, утга зохиолын “Үлдэх үг” подкастын цоо шинэхэн дугаарыг та бүхэндээ хүргэж байна. Энэ удаагийн дугаарт орчуулагч Б.Дэлгэрмаа, орчуулагч редактор Б.Сувддуламын хамт Солонгосын зохиолч Сун Вон Пёны “Бүйлс” романы тухай ярилцлаа.

Зохиолч, орчуулагч Б.Баясгалангийн "Догшин тэнгис" роман уншигчдад хүрээд нэгэн улирлыг үдлээ. Үндэсний адилсал, ондоошил, танигдал, хуваагдлын сэдвийг хөндөж, залуусын сэтгэлд эх орны үнэ цэн, мөн чанарын талаар бодрол, ухаарал, асуулт ургуулсан энэ зохиолын талаар зохиолчтой нь ярилцахаар утга зохиол судлаач, зохиолч Б.Бямбаням студид ажиллалаа.

"Үлдэх үг" уран зохиолын подкастын энэ дугаарт зохиолч У.Бямбаням оролцож "Дурсамжийн газрын зураг" нэрт зүймэл романыхаа тухай ярилцлаа.

Та бүхэндээ “Үлдэх үг” подкастын цоо шинэхэн дугаарыг хүргэж байна.

Энэ удаагийн дугаарын зочноор орчуулагч Пүрэвдоржийн Номинбилигийг урьж, Солонгосын зохиолч Пэк Сэхигийн “Үхмээр байна гэхдээ бас догбуги идмээр байна” номын тухай ярилцаж, мөн орчуулах, редакторлах ажлын жаргал зовлонг хуваалцан халуун яриа дэлгэлээ.

Зохиолч, яруу найрагч Ц.Гончигтой "Тойром" хэмээх шинэхэн романых нь талаар ярилцлаа. Хөтлөгч Б.Баясгалан

үх цаг үеийн шилдэг борлуулалттай зохиолчдын нэг гэгддэг Стивен Кингийн “Бичихүйн тухай” хэвлэгдэхэд Entertainment Weekly сэтгүүл “Хаантан (Кинг) түм бум наслаг” хэмээн нийтэлж байв. Нэг талаар туурвилчийн намтар дурсамж, нөгөөтээгүүр мэргэжлийн гарын авлага гэж болохуйц эл бүтээл зохиолч хүн бүрд байвал зохих “багажийн хайрцаг”-ийг бэлэн зэхэж, дэлгэн харуулжээ. Кинг зохиолч болохоор шулуудсан хүүхэд насныхаа ой дуртгалаас эхлээд залуу бичээчийн хувиар туулсан хүндхэн сорилт бэрхшээлүүд, золгүйгээр осолдож амь наана там цаана байхдаа зохиол бүтээлийнхээ хүчээр хөл дээрээ боссон амьдралын туршлагаа зөвлөмж болгон бичсэн нь чухамхүү энэ ном билээ. Цэгцтэй бичиглэл, энгүүн нөхөрсөг уур амьсгал, урам зоригоор дүүрэн эл ном залуу уран бүтээлчид, зохиолчид, сайн бүтээлд шимтэгч хэн бүхэнд оюуны цэнгэл эдлүүлж, урлан бүтээхүйн онгод хайрлах буй заа.

Тагтаа хэвлэлийн газар, Creative radio 100.9 долгионоос хамтран бэлтгэн хүргэдэг "Үлдэх үг" подкастын шинэ дугаарт тус хэвлэлийн газрын орчуулагч, редактор Мө. Батбаярын шинэхэн хэвлүүлээд буй “Мөнгөн Будда авсан өдөр” номын тухай болоод яруу найргийн тухай яриа өрнүүллээ.

"Тагтаа" хэвлэлийн газар, Creative Radio 100.9 долгионоос хамтран бэлтгэн хүргэдэг "Үлдэх үг" подкастынхаа шинэ дугаарыг бид Их эзэн Чингис хааны мэндэлсэн өдөр буюу "Монгол бахархлын өдөр"-ийг тохиолдуулан бэлтгэлээ. Энэ дугаарт Монгол Улсын Соёлын гавьяат зүтгэлтэн зохиолч, түүхч, зураач Тангадын Мандир абугайн "Мэндлэхүй" хэмээх туурийг яруу найрагч, судлаач, багш Ядамсүрэнгийн Баяраагийн уншсанаар хүргэж байна.

Тагтаа хэвлэлийн газар, Creative radio 100.9 долгионтой хамтран бэлтгэдэг "Үлдэх үг" подкастын энэ дугаарт тус хэвлэлийн газраас эрхлэн гаргадаг "Тагтаа рэвью" сэтгүүлийн намрын дугаарыг онцоллоо.

"Тагтаа" хэвлэлийн газар, Creative radio 100.9 долгионоос хамтран бэлтгэн хүргэдэг "Үлдэх үг" подкастын энэ дугаарт тус хэвлэлийн газрын орчуулагч, редактор Батсайхан Сувддулам оролцож, наяад оны хүүрнэлчдийн нэгэн гол төлөөлөгч болох зохиолч Жагдалын Лхагвын "Сүм хөх бүрд" өгүүллэгийг уншлаа.