Edicioni special i UPPodcast për Ditën e Lirisë së Shtypit. Cilat janë përkufizimet për lirinë e shtypit, lirinë e shprehjes dhe lirinë e mendimit? Cila janë perspektivat historike dhe konteksti aktual i zhvillimit të mediave?
Flasin për këto tema profesorët Milazim Krasniqi dhe Faton Ismajli

Në këtë episod të UPpodcast, do të flitet rreth rolit të historisë dhe historianit sot, rreth vështirësive dhe përparësive të shkrimit të historisë dhe për të vërtetën historike.

E ftuara e radhës është Prof. Linda Gusia, shefe e Departamentit të Sociologjisë. Fakulteti Filozofik. Biseda jonë realizohet rreth: Programit të UP-së për studimet dhe hulumtimet gjinore, Statistikat e diskriminimit të grave, Raportimi i dhunës së grave në familje, Gratë në politikë dhe në medie, si dhe ndër të tjera, a i vlerësojmë gratë të cilat kanë dhënë kontribut në arsim, në shtet-ndërtim, në lëvizjet studentore, në politikë dhe në luftën çlirimtare të Kosovës? Mesazhi: Rikujtim i meritave të grave dhe më shumë solidaritet.

Në episodin e tretë të UPpodcast diskutohet mbi edukimin për medien në epokën digjitale. I ftuar i profesorit Arben Fetoshi, është profesori Muhamet Jahiri, ligjërues i lëndës së Edukimit Medial. Profesorët diskutojnë për sfidat serioze që ka sjellë revolucioni digjital në raportin e shoqërisë me mediat. Njëherësh, ata flasin për rëndësinë e edukimit mediat në vendin tonë dhe zgjidhjet potenciale në këtë drejtim.

Në episodin e dytë të UP_Podcast, diskutohet për jetën studentore në Universitetin e Prishtinës. Nikoqire e këtij podcast-i është studentja në Departamentin e Gazetarisë, Emira Çitaku, e cila së bashku me kryetarin e Parlamentit Studentor, Qlirim Hotin, flasin për çështjet që afektojnë jetën studentore, me në veçanti për digjitalizimin, afatet e provimeve, kërkesat e studentëve, mundësitë dhe shumë më tepër.

Në këtë episod të UPpodcast, do të flitet rreth inteligjencës artificiale dhe zbatimit të saj. Pa dyshim, do të diskutohet edhe për ChatGPT, që së fundmi është një temë shumë aktuale, si dhe për ndërlidhjen e AI-së me arsimin dhe sfidat në këtë kontekst.Folësit janë:Alban Zeneli, profesor në Departamentin e GazetarisëEliot Bytyçi, profesor në Departamentin e Matematikës