Í 2005 gjørdi Sjónvarpið eina røð í fimm pørtum um villblómuvøksturin í Føroyum.

Vit fara úr fjøruni og niðan á hægsta fjallatind.

Anna Maria Fossá, plantufrøðingur, sála, greiðir frá um tær ymisku blómurnar. Vit byrja niðri við sjóvarmálan og enda uppi á Slættaratindi.

Fyrsta sendingin er um fjøruplantur, har greitt verður frá sermerkta vøkstrinum niðri við sjóvarklettin og sjáldsomu planturnar, sum vaksa á mølheyggjunum á Sandi.

Sendingarnar hava Anna Maria Fossá, Bergljót D. Hentze og Ragnar C. Joensen gjørt.