Í þessum þætti ætlum við að ræða áhrif Evrópusambandsaðildar á íslenskan landbúnað, matvöruverð, Evrópuumræðuna og stöðuna nú tæplega tveimur mánuðum fyrir kosningar. Gestir þáttarins eru Guðrún Hafsteinsdóttir, formaður Sjálfstæðisflokksins, en hún situr í atvinnuveganefnd Alþingis, Pawel Bartozek, þingmaður Viðreisnar og formaður Utanríkisnefndar, og Þórarinn Ingi Pétursson, varaformaður þingflokks framsóknarflokksins og sauðfjárbóndi.

Í þessum þætti er rætt um matvöruverð á Íslandi og þann samanburð við matvöruverð í Evrópu sem Samkeppniseftirlitið setti fram í umræðuskjali svokölluðu fyrir skömmu. Við spyrjum um áhrif undanþágu afurðastöðva frá samkeppnislögum á matvöruverð, áhrif milliliðanna á matvöruverð, hvaða áhrif hugsanleg Evrópusambandsaðild myndi hafa á þessa hluti og sitthvað fleira. 

Rætt er um nýja skýrslu um eignarhald á landbúnaðarlandi á Íslandi. Meginefni hennar fjallar um það hvernig tryggja megi sjálfbæra nýtingu landbúnaðarlands, fæðuöryggi og byggð í dreifbýli. Í skýrslunni koma fram forvitnilegar niðurstöður um eignarhald á landbúnaðarlandi en þar segir meðal annars að mikill hluti lögbýla er ekki í virkri landbúnaðarnotkun. Í seinni hluta þáttar snúum við okkur svo að ESB og forvitnumst um það hvað aðild myndi þýða fyrir svínarækt á Íslandi.

Gestur þáttarins er Axel Sæland blómabóndi á Espiflöt í Reykholti. Rætt er um Gróðrarstöðina Mörk í Reykjavík en ef ákvörðun Reykjavíkurborgar gengur eftir þarf Mörk að víkja af lóð sinni í Fossvogsdalnum fyrir frekari uppbyggingu á vegum knattspyrnufélagsins Víkings. Við ætlum einnig að skoða mögulega ranga tollflokkun á innfluttum sumarblómum sem kemur innflytjendum hjá því að greiða stykkjagjald. Við ætlum að kanna stöðuna á blómaræktun í landinu og sömuleiðis garðyrkjunni og vafalítið komum við víðar við.

Í þættinum er rætt við Guðmund Vernharðsson hjá Gróðrarstöðinni Mörk í Reykjavík en nú eru komnar fram hugmyndir um að hún víki fyrir uppbyggingu á aðstöðu fyrir knattspyrnufélagið Víking í Fossvogsdalnum. Við fáum að heyra um sögu og rekstur Markar sem hefur verið í Fossvogsdalnum frá því hún var stofnuð árið 1967 og samskiptunum við Reykjavíkurborg um flutning starfsseminnar.

Í þessum þætti ætlum við að ræða um Sláturfélag Suðurlands sem er samvinnufélag í eigu bænda og hefur þann tilgang samkvæmt samþykktum félagsins að að annast slátrun, úrvinnslu og sölu á framleiðslu félagsmanna. Félagið flytur einnig inn vörur og stundar aðra verslun eftir því sem það styrkir sölu á framleiðslu félagsins. Við ætlum að forvitnast um starfsemi félagsins, eignarhald þess, afkomuna, hvernig hún skilar sér til bænda og ýmislegt fleira.

Rætt er við tvo unga bændur sem hafa verið í uppbyggingu í sinni búgrein og að vissu leyti farið sínar eigin leiðir, Höllu Sif Svansdóttur Hölludóttur, garðyrkjubónda og eiganda Sólskins grænmeti, og Stefán Braga Birgisson, sauðfjárbónda á Galtastöðum Ytri í Hróarstungu á Austurlandi. 

Í fyrri hluta þáttarins er rætt um landrækt á Íslandi, stöðu hennar og framtíð, en í seinni hlutanum er umfjöllunarefnið innflutningur lifandi dýra og samningsmarkmið sem um slíkan innflutning þyrfti hugsanlega að setja í mögulegum viðræðum um inngöngu í Evrópusambandið.

Í tólfta þætti Útvarps Bændablaðsins er rætt við Björgu Evu Erlendsdóttur, framkvæmdastjóra Landverndar, og Torfa Jóhannesson, ráðgjafa hjá Nordic Insights og höfund skýrslu um neyðarbirgðir fyrir íslenska matvælaframleiðslu.

Gestir þáttarins eru tveir, Karvel L. Karvelsson, framkvæmdastjóri Ráðgjafarmiðstöðvar landbúnaðarins og formaður Samtaka ungra bænda, Steinþór Logi Arnarsson.