Í dag kíkjum við inn í TTS tíma hjá fjórða bekk í Vogaskóla, en TTS þýðir: tal, tjáning, söngur.

Krakkarnir unnu fjölbreytt og skemmtileg verkefni síðasta vetur sem þau æfðu vel og flytja fyrir okkur í þættinum. Við munum heyra lög á þýsku, íslensku og með frumsömdum texta, orðaleiki um vont veður, táslusögu, nemendaviðtal og skemmtilegar þulur.

Viðmælendur:

Nemendur í 4. bekk í Vogaskóla veturinn 2017-2018

Jóhanna Halldórsdóttir TTS kennari

Umsjón: Ingibjörg Fríða Helgadóttir

Farið er yfir það helsta úr Krakkafréttum vikunnar og það sem var efst á baugi skoðað. Krakkar víða af landinu aðstoða, reyndir fréttamenn og sérfræðingar sem útskýra atburði líðandi stundar.

Í þessum þætti förum við inn á fréttastofu RÚV og tölum við fréttamann um hvernig er að vera fréttamaður á sumrin. Krakkafréttir voru í fríi í sumar en við rifjuðum upp aðalfréttir sumarsins, tölum við fréttamann og veðurfræðing og skoðum líka helstu Krakkafréttir sem voru í síðustu viku.

Sérfræðingar: Birta Björnsdóttir, fréttamaður, Guðrún Línberg Guðjónsdóttir, málfarsráðgjafi og Elín Björk Jónsdóttir, veðurfræðingur.

Umsjón: Jóhannes Ólafsson

Fyrsta vikan í Útvarpi KrakkaRÚV er senn á enda. Og hvað er framundan?

Þáttastjórnendur Útvarps KrakkaRÚV þau Ingibjörg, Jóhannes og Sævar hittast og fara yfir dagskrá vetrarins!

Umsjón: Ingibjörg Fríða Helgadóttir, Jóhannes Ólafsson og Sævar Helgi Bragason

Hvað er plastlaus september? Af hverju er einnota plast svona mikið vandamál í heiminum? Þórdís Þórhallsdóttir er ein þeirra sem stendur að vitundarvakningunni plastlausum september. Hún segir okkur eiginlega allt um þetta efni sem er bæði gott og vont og hvað við getum gert til að draga úr plastnotkun.

Umsjón: Sævar Helgi Bragason

Í dag byrjar Útvarp KrakkaRÚV aftur eftir sumarfrí!

Við fögnum því með að skoða upphaf í allskonar myndum. Hvenær var upphaf heimsins eða lífs á jörðinni? Hvað þýðir þetta orð, upphaf, eiginlega? Í upphafi samskipta heilsumst við en hvers vegna nota allir hægri hönd en ekki vinstri?

Einu sinni var... einn og tveir og einn, tveir, þrír fjór...viðbúin, tilbúin, byrja!

Viðmælendur:

Anna Sigríður Þráinsdóttir, málfarsráðunautur RÚV

Stjörnu-Sævar

Umsjón: Ingibjörg Fríða Helgadóttir

Er kvikmyndatónlist öðruvísi en önnur tónlist, hvernig þá? Hver eru frægustu kvikmyndatónskáldin? Ætli við þekkjum tónlistina þeirra?

Í þættinum lærum við hvernig við semjum kvikmyndatónlist, hvernig hægt er að nota hana til að virkja tilfinningar áhorfenda, minnumst Jóhanns Jóhannsonar sem var eitt stærsta íslenska kvikmyndatónskáld heimsins og heyrum alls kyns mismunandi stef úr kvikmyndum.

Við kíkjum einnig í heimsókn í Tónskóla Sigursveins þar sem nemendur unnu hörðum höndum að því að undirbúa kvikmyndatónlistartónleika en þau hafa verið að vinna með það þema í vetur. Píanónemendur skólans spila ótrúlega mörg mismunandi brot úr kvikmyndum fyrir okkur, fjórhent á píanó.

Sérfræðingur þáttarins: Einar Sverrir Tryggvason, kvikmyndatónskáld

Viðmælendur: Píanónemendur úr Tónskóla Sigursveins

Umsjón: Ingibjörg Fríða Helgadóttir

Hafið þekur langstærstan hluta af yfirborði Jarðar. En af hverju er sjórinn saltur og hvað er átt við með því að sjórinn sé að súrna? Sérfræðingur þáttarins, Sólveig Rósa Ólafsdóttir frá Hafrannsóknarstofnun, segir okkur allt sjóinn.

Umsjón: Sævar Helgi Bragason

Í þættinum er fjallað um gróðurhúsalofttegundina koldíoxíð og hvernig íslenskir vísindamenn breyta henni í stein. Sérfræðingur þáttarins er Sandra Ósk Snæbjörnsdóttir, jarðfræðingur, sem vinnur við CarbFix verkefnið.

Umsjón: Sævar Helgi Bragason

Vissir þú að það er til Björgunarhundasveit Íslands? Hver er frægasti hundur í heimi? Hvað er skemmtilegast við að eiga hund? Hvernig ákveður maður hvað hundurinn á að heita? Geta hundar og kettir búið saman?

Í dag er hundaþáttur! Við spjöllum við Eld, Erp og Kristján um hundana þeirra Skugga og Jónatan, hittum stigahæsta unga hundasýnanda landsins, hana Hrönn, og heyrum svo af sambúð hundsins Monsu og kattanna Tásu og Kötu en það eru systurnar Júlía og Diljá sem eiga þau.

Viðmælendur:

Eldur Egilsson (10 ára)

Kristján Oddur Kristjánsson (10 ára)

Erpur Egilsson (5 ára)

Hrönn Valgeirsdóttir (11 ára)

Júlía Lóa U. Einarsdóttir (10 ára)

Diljá Sóley U. Einarsdóttir (8 ára)

Umsjón: Ingibjörg Fríða Helgadóttir