Í Krakkafréttum vikunnar verður farið yfir það helsta sem var í krakkafréttunum í sîðustu viku. Þar er meðal annars fjallað um kosningarnar sem fóru fram um helgina, heimsmet í handstöðu og alþjóðlega býflugnadaginn. Þar verður líka farið yfir nokkur fróðleg orð og máltæki með málfarsraðunaut RÚV.

Sérfræðingur þáttarins er Anna Sigríður Þráinsdóttir

Umsjón hefur Jóhannes Ólafsson.

Í þættinum í dag spyrjum við okkur mjög stórra spurninga. Hvað er menning? Hvað eru listir? Eru menning og listir ekki það sama? Menning er mjög stórt orð sem nær yfir næstum því allt sem manneskjan gerir. Listir tilheyra því menningunni og eru eitthvað alveg sérstakt, eitthvað sem við búum til með því að virkja ímyndunaraflið þegar við viljum tjá tilfinningar eða segja sögur. Menningararfur er annað stórt orð, hvað er það? Hvernig var menningin í gamla daga á Íslandi?

Sérfræðingur þáttarins er Guðrún Línberg Guðjónsdóttir, málfarsráðgjafi hjá RÚV.

Umsjón: Ingibjörg Fríða Helgadóttir

Það verður HM stemmning hjá KrakkaRÚV í dag. Einar Örn íþróttafréttamaður segir okkur frá undirbúningi fyrir HM, Gunnar Helgason segir okkur skemmtilegar sögur af HM í gegnum tíðina og Andri Stefánsson 7 ára stuðningsmaður landsliðisins kemur og gefur landsliðinu góð ráð. Þátturinn í dag verður tileinkaður þessum stærsta íþróttaviðburði í heimi. HÚH!

Umsjón: Sigyn Blöndal

Farið er yfir það helsta úr Krakkafréttum vikunnar og það sem var efst á baugi skoðað. Krakkar víða af landinu aðstoða, reyndir fréttamenn og sérfræðingar sem útskýra atburði líðandi stundar.

Í kvöld segjum við frá vali á fótboltalandsliðinu sem fer á HM eftir tæplega mánuð. Við heyrum af Eurovision, mótmælum í Palestínu og umræðu um að keppa ekki í næstu Eurovision keppni. Við kynnum okkur líka hugsanlega lækningu við kvefi og vatnsgusur í geimnum.

Umsjón: Jóhannes Ólafsson

Í þættinum er fjallað um klappið og hvernig hægt er að nota það við ýmsar aðstæður. Hvers vegna klöppum við? Við getum notað klappið til að senda margvísleg skilaboð, eins og aðdáun eða þakklæti, til að hvetja aðra til dáða, til að byggja upp takt til að dansa við eða bara til að leika okkur.

Sérfræðingur þáttarins er Árni Heimir Ingólfsson, tónlistarfræðingur og listrænn ráðgjafi hjá Sinfóníuhljómsveit Íslands. Afhverju má ekki alltaf klappa á klassískum tónleikum?

Annað efni: Brot úr þættinum „Allir í leik“ (2004. Þáttur 8). sem Una Margrét Jónsdóttir gerði.

Umsjón: Ingibjörg Fríða Helgadóttir.

Upptakturinn er orðinn að árvissum viðburði í upphafi Barnamenningarhátíðar, en þar eru veitt tónsköpunarverðlaun barna og ungmenna og verk þeirra flutt af okkar færasta listafólki. Tólf verk voru valin inn í Upptaktinn 2018. Við ætlum að kynnast ungu tónskáldunum og verkum þeirra í sex þáttum og fylgja þeim frá innsendri hugmynd að lokatónleikum. Tónleikarnir fóru fram í Silfurbergi í Hörpu þriðjudaginn 17. apríl sl. Hljóðfæraleikar eru Geirþrúður Ása Guðjónsdóttir á fiðlu, Herdís Anna Jónsdóttir á víólu, Bryndís Björgvinsdóttir á selló, Gunnlaugur Torfi Stefánsson á bassa, Grímur Helgason og Helga Björg Arnardóttir á klarinett, Kristján Hrannar Pálsson á píanó, Arnþór Snær Guðjónsson gítar, Sigurður Ingi Einarsson á slagverk og Bryndís Jakobsdóttir syngur.

Sjötti þáttur:

Jealous of the way eftir Daniellu Ásthildi Silva Chipa, Lilju Ósk Tryggvadóttur, Magneu Sif Ragnarsdóttur, Söndru Hlín Björnsdóttur og Þyrí Ágústsdóttur, 11 og 12 ára.

Shperes eftir Benedikt Gylfason, 15 ára.

Umsjón: Ingibjörg Fríða Helgadóttir