Í þættinum koma til okkar bræðurnir Daníel Elí Johansen 9 ára og Lúkas Emil Johansen 12 ára.

Við ætlum að spjalla um Andrés önd, fótbolta, hvernig það er að vera ungur leikari á Íslandi í dag og svo fáum við að heyra skemmtileg tónlist sem þeir völdu sérstaklega fyrir þáttinn.

Umsjón:

Sigyn Blöndal

Veturinn er ein af árstíðunum fjórum. Eins og náttúran breytist milli árstíðanna þá breytist menningin okkar líka, við förum til dæmis ekki í sólbað á veturna eða grillum mikið, það er bara hægt að tína villt bláber á haustin, jólin koma um vetur og Eurovision á vorin!

Í þessum þætti fræðumst við um vetrarhátíðir, ofurkrafta, heyrum vetrartónlist, lærum að búa til fuglamat fyrir svanga smáfugla. heyrum um dýr sem skipta um liti milli árstíða og fræðumst um Frostaveturinn mikla sem var fyrir eimitt 100 árum síðan.

Viðmælendur:

Forskólabörn úr Tónlistarskóla Grafarvogs

Náttúruvísindahornið: Sævar Helgi Bragason

Síðari þáttur af tveimur

Umsjón: Ingibjörg Fríða Helgadóttir

Veturinn er ein af árstíðunum fjórum. Eins og náttúran breytist milli árstíðanna þá breytist menningin okkar líka, við förum til dæmis ekki í sólbað á veturna eða grillum mikið, það er bara hægt að tína villt bláber á haustin, jólin koma um vetur og Eurovision á vorin!

Í þessum þætti fáum við tvær skíðastelpur til að segja okkur frá þeirri vetraríþrótt, förum í snjóleik, Sævar segir okkur hvers vegna Vetrarbrautin heitir Vetrarbraut, við hlustum á vetrartónlist og heyrum um Vetrarólympíuleikana sem haldnir verða í febrúar á þessu ári.

Viðmælendur:

María Ólöf Jóhannsdóttir, 12 ára

Sara Mjöll Jóhannsdóttir, 10 ára

Forskólabörn úr Tónlistarskóla Grafarvogs

Náttúruvísindahornið: Sævar Helgi Bragason

Snjóorðasérfræðingur: Anna Sigríður Þráinsdóttir, málfarsráðunautur RÚV

Fyrri þáttur af tveimur

Umsjón: Ingibjörg Fríða Helgadóttir

Farið er yfir það helsta úr Krakkafréttum vikunnar og það sem var efst á baugi skoðað. Krakkar víða af landinu aðstoða, reyndir fréttamenn og sérfræðingar sem útskýra hlutina á skemmtilegan hátt. Fjallað er um heiminn eins og hann er.

Í þættinum í kvöld verður fjallað um íþróttamann ársins 2017, ókeypis tannlæknaþjónustu fyrir börn á Íslandi, kanínubyggð í Kjarnarskógi, flugeldamengun og margt margt fleira.

Umsjón: Jóhannes Ólafsson.

Við förum yfir árið 2017 og veltum fyrir okkur komandi ári í beinni útsendingu í útvarpi KrakkaRÚV.

Umsjón: Ingibjörg Fríða Helgadóttir, Jóhannes Ólafsson, Sigyn Blöndal og Sævar Helgi Bragason.

Hvað ber hæst á vísindaárinu 2018? Fjallað er um tunglið árið 2018, sér í lagi ofurmána og geimferðir sem farnar verða á árinu.

Umsjón: Sævar Helgi Bragason.

Nú höfum við blandað saman þáttunum Menningarheimurinn og Alheimurinn til þess að geta fjallað um Tunglið sjálft, frá öllum mögulegu hliðum! Meira að segja frá þeirri hlið sem við mannfólkið sjáum aldrei.

Í þessum þætti reynum við að svara, meðal annars, þessum spurningum: Hefur manneskja einhverntíma komið á tunglið? Er rusl á tunglinu? Hvers vegna heitir tunglið okkar Tungl? Hvernig tengjast varúlfar tunglinu? Eru geimverur á tunglinu? Eða kannski karl í tunglinu?

(Síðari þáttur)

Umsjónarmenn: Ingibjörg Fríða Helgadóttir og Sævar Helgi Bragason

Nú höfum við blandað saman þáttunum Menningarheimurinn og Alheimurinn til þess að geta fjallað um Tunglið sjálft, frá öllum mögulegu hliðum! Meira að segja frá þeirri hlið sem við mannfólkið sjáum aldrei.

Í þættinum reynum við að svara, meðal annars, þessum spurningum: Hvers vegna minnkar tunglið og stækkar á víxl? Hvaða augum líta listamenn tunglið? Afhverju er tunglið rómantískt? Hvað er flóð og fjara? Er tunglskinssónatan um tunglið? Getur tunglið bjargað lífi manns?

(Fyrri þáttur)

Umsjónarmenn: Ingibjörg Fríða Helgadóttir og Sævar Helgi Bragason

Hvenær getum við farið að tala við tækin okkar? Hvaða hættur gætu stafað af gervigreind? Eru menn að smíða gáfuð vélmenni? Sérfræðingur þáttarins, Yngvi Björnsson hjá Háskólanum í Reykjavík, fræðir okkur um kosti og galla gervigreindar.

Umsjón: Sævar Helgi Bragason

Blásarasveit, lúðrasveit, skólahljómsveit, jazzhljómsveit, stórsveit? Hvað þýðir þetta allt saman?

Í þættinum munum við fjalla um þessar hljómsveitir og heyra af nýju íslensku ævintýri sem heitir "Pétur og úlfurinn....en hvað varð um úlfinn?" KrakkaRÚV leit við á frumsýningu ævintýrisins, hitti dansara úr sýningunni og heyrði í nokkrum krökkum sem voru í salnum. Við munum einnig heyra í ungum hljóðfæraleikurum úr Skólahljómsveit Austurbæjar sem spiluðu á sama tíma tónleikana "Óskalög blásarasveita".

Álitsgjafar KrakkaRÚV

Þorgerður Kolbrá Hermundardóttir

Brynhildur Björg Þorgrímsdóttir

Eiður Örn Bragason

Dansarar úr JSB

Inga Sif Bjarnadóttir

Áslaug Hjaltadóttir

Björk Árnadóttir

Svanhvít Eva Óladóttir

Elísa Jónsdóttir

Kristín Svanborg Ólafsdóttir

Hljóðfæraleikarar úr Skólahljómsveit Austurbæjar

Bergey Freysdóttir

Orri Elías Óskarsson

Annað efni:

Tónlist og hjóðefni af geisladisknum "Pétur og úlfurinn..en hvað varð um úlfinn?" eftir Hauk Gröndal og Pamelu de Sensi

Umsjón: Ingibjörg Fríða Helgadóttir