Erkak va ayol teng huquqlimi? Ayollar haq-huquqlarining buzilishiga qarshi qanday kurashish kerak? Feminizm nima? O'zbekiston maktablarida jinsiy tarbiya kerakmi? Ayollar huquqlari faoli, tadqiqotchi Feruz Izzat bilan shu haqda suhbatlashdik.

AQShda magistratura darajasida o'qish uchun grant beruvchi Fulbright ta'lim dasturiga qabul boshlandi. Hujjat topshirish va barcha bosqichlardan muvaffaqiyatli o'tish uchun nima qilish kerak? Fulbright dasturi asosida AQShda o'qigan o'zbekistonlik Timur Sabitov bilan shu haqda suhbatlashdik.

AQSh infratuzilma uchun 2 trillion dollar mablag' ajratmoqchi. Pfizer va BioNTech vaksinalari ta'siri olti oydan keyin ham saqlanib qolishi ma'lum bo'ldi. AQSh elchixonasi qachon ish boshlaydi? AQShda o'qish uchun ta'lim grantlariga qabul davom etmoqda. Bugun shu mavzularda suhbatlashamiz.

11-aprel kuni Qirg'izistonning yangi konstitutsiyasi bo'yicha referendum o'tkaziladi. O'zbekiston va Qirg'iziston o'rtasida chegara muammolari to'liq bartaraf etilgani xabar qilinmoqda. "Erkin Qirg'iziston" partiyasi rahbari, diplomat va siyosatchi Tursunboy Bakir o'g'li bilan shu haqda gaplashdik.

Lotin yozuviga asoslangan o'zbek alifbosining yangi tahriri muhokamaga qo'yildi. Mutaxassislar qanday fikrda? Shu bilan lotin yozuviga oid bahslar nihoyasiga yetadimi? "Savodxon.uz" loyihasi rahbari Javlon Jo'rayev va jurnalist Farrux Jabborov bilan shu haqda suhbatlashdik.

Xitoyda, turli manbalarga ko'ra, ikki millionga yaqin musulmon lagerlarga tashlangan. Bu yerda ular tili, dini va madaniyatidan voz kechishga majburlanishi aytiladi. Mahbuslar orasida qozoq, qirg'iz va o'zbeklar ham bor. Asli shinjonlik huquq faoli Serikjan Bilash bilan shu haqda suhbatlashdik.

AQSh pandemiyaga qarshi kurash maqsadida trillionlab dollar sarflashda davom etyapti. Bu galgi yordam o'z ichiga nimalarni oladi? Kimlarga 1400 dollardan yordam puli berilmoqda? Navbatdagi muloqotimizda shu mavzuni muhokama qildik.

Orhan Boboqurbon o'zbekistonliklarning xorijda tug'ilgan ikkinchi avlodi. O'zbek tilida ravon gapiradi. Uning misoli barcha o'zbekistonliklar uchun xosmi? AQShda yashayotgan o'zbekistonliklarning farzandlari ota-onasi tilida gapiryaptimi? Navbatdagi muloqotimiz shu savollar ustida bo'ldi.

Amerikada 20-30 yildan beri yashayotgan, farzand va nabiralari shu yerda tug'ilib ulg'aygan o'zbekistonlik oilalar juda ko’p. Ularning eng katta xavotiri nima? AQShdagi o'zbekistonliklar jamiyati yetakchilari Olim Sharipov va Fazliddin Shamsiyev bilan shu haqda suhbatlashdik.

Sobiq prezident Donald Tramp ustidan impichment masalasi AQSh Senatida ko'rib chiqilmoqda. Jarayon qanday kechmoqda? Agar Tramp aybdor deb topilsa, bu qanday oqibatlarga olib keladi? Tramp ayni paytda nimalar bilan band? "Vashington choyxonasi"da shu haqda suhbatlashdik.