Viðskiptapúlsinn

Staða hagkerfisins er í brennidepli en einnig fjallað um fjártækni, eftirlit í sjávarútvegi og þjónustupplifun. Erna Björg Sverrisdóttir, aðalahagfræðingur Arion banka er gestur þáttarins.

Fjallað um vandræði Rio Tinto í Straumsvík og hvaða áhrif möguleg lokun verksmiðjunnar gæti haft. Mögulega gæti íslenska ríkið fengið 36 milljarða króna fyrir 25% hlut í Íslandsbanka og ORF líftækni er fyrirtæki í örum vexti.

Fjallað er um þátttöku Avalon í skuldabréfaútboði WOW air, samtal við Sigurð Hannesson framkvæmdastjóra SI um óveðursský yfir Íslandi, rætt er um orkuverð til heimila og margt fleira. Einnig er rætt ítarlega við Magnús Ragnarsson framkvæmdastjóra sölu hjá Símanum um streymismarkaðinn m.a.

Fjallað um erfiðleika í hótelrekstri í kjölfar Wuhan-veirunnar, hátt sjálfsafgreiðsluhlutfall á kössunum hjá Bónus og Hagkaupum og margt fleira. Lilja Gunnarsdóttir, formaður ICF Iceland mætir til leiks og fjallar um markþjálfun og margt sem henni tengist.

Enn berast fréttir af slitabúi WOW air og markaður með notaðan fatnað blómstrar á Íslandi. Forstjóri Landsvirkjunar gagnrýnir umhverfisráðherra fyrir áætlanir um miðhálendisþjóðgarð. Sigurður Már Jónsson, blaðamaður, mætir í settið og ræðir um stöðuna í hagkerfinu.

Atlanta átti gott ár í fyrra, þrátt fyrir háa skattgreiðslu í Saudi Arabiu, jólavertíðin var góð í Kokku, sem er nú í stærra húsnæði, og áform um uppbyggingu á Kringlusvæði frestast. Sveinbjörn Finnsson hjá Landsvirkjun ræðir orkumarkaðinn á Norðurlöndum og uppgang Kína á álmarkaði.

Nýtt hótel mun að öllum líkindum rísa við Skúlagötu, Valitor er í rekstrarerfiðleikum og Heimsferðir sækja fram á markaði eftir þung ár í fyrra. Sveinn Þórarinsson hlutabréfagreinandi hjá Landsbankanum ræðir um flugmarkaðinn og áskoranirnar sem Icelandair stendur frammi fyrir.

Rætt um fjölgun starfa hjá hinu opinbera, viðtal við Seðlabankastjóra og mikinn áhuga á borðspilum fyrir jólin. Rætt við Ernu Björg Sverrisdóttur, aðalhagfræðing Arion banka.

Rætt um áhrif óveðursins á fjölda fyrirtækja, stöðuna á kyrrsetningu MAX-véla Icelandair og nýja nálgun stjórnvalda á stuðning við nýsköpunarfyrirtæki á Íslandi.

Rætt er við Jón Bjarka Bentsson, aðalhagfræðing Íslandsbanka, um efnahagsmál. Sér í lagi jákvæðar tölur frá Seðlabankanum í vikunni um greiðslujöfnuð, hvort verið sé að mála skrattann á vegginn í tali um íslenskt efnahagslíf og hvort flugfélagið Play sé nauðsynlegt til þess að rétta þjóðarskútuna af.