Mirjam Jensina Reinert Olsen er make up artistur og hon hevur starvast í vakurleikavinnuni í nógv ár. Hon hevur síðuna "Mirjamsa vakurleikasíða" á Facebook, har hon millum annað hugleiðir um rákini í dag og tað at eldast, nú hon sjálv nærkast 50.
- Eg ræðist hesa gongdina við, at øll vilja vera ung í allar ævir. Tað er natúrligt at eldast, og tað er vakurt at eldast, sigur Mirjam.
Hon vil ikki vera fordømandi móti teimum, sum velja at gera nakað við sína útsjónd við kosmetiskum viðgerðum, men hon heldur, at tað er umráðandi at síggja vakurleika í tí óperfekta.