Nú inflatiónin hevur gjørt tað truplari hjá nógvum føroyingum at fáa pengarnar at røkka til tað, teimum tørvar, rópa handilsrekandi varskó, tí stuldur er vorðin alt meira vanligur í nógvum handlum.

- Lat meg gera greitt beinan vegin, at vit tosa um ein sera lítlan part av teimum, sum búgva her á landi, sigur Bergur D. Jensen, formaður í Handilsvinnufelagnum, ið er felagið hjá teimum, ið reka handil í Føroyum.

- Flestu føroyingar eru hampafólk, ið hvørki eru betri ella verri enn fólkini í grannalondum okkara, tá tað snýr seg um stuldur.