Бурхан спортыг сонирхдог уу? Бурхан ер нь таны хийдэг ажил, бэлтгэлийг анхаардаг болов уу? Бурханы алдар гэж юу болох, хүний амьдралын ялалт, ялагдлын тухай зэрэг олон сонирхолтой сэдвийг спортын жишээн дээр бичсэн "Туслах" номын талаар танд толилуулж байна. 

Хүүхэд Бурханаас хайрласан нөөц чадавх, авьяас чадвараа бүрэн дүүрэн нээж чадах эсэх нь түүний амьдралд хамгийн их үүрэг хариуцлагатай эцэг эх амьдралын суурийг нь хэрхэн тавихаас асар ихээр шалтгаалдаг.
Таны аав ээж танд ямар нөлөө үзүүлсэн бэ? Та мөн хүүхдэдээ хэрхэн нөлөөлөхийг хүсэж байна вэ?

Тус бүр нь өөр амттай амтат шоколадны цуглуулгыг та төсөөлөөд үзээрэй. Яг л үүнтэй адил манай дугаар бүр өөр өөр номын амтыг танд амтлуулахыг зорин үйлчилж байгаа билээ.

Шинэ дугаараар маань "Сэтгэлийг анагаах өөрчлөлтүүд" номын орчуулагч Б. Жавзандулам эгч маань оролцлоо. Библи, сэтгэл судлал, бодит амьдралын жишээнүүдийг нэгтгэж чадсан ном бөгөөд хүн бүхэн амьдралдаа заавал нэг унших хэрэгтэй номын нэг хэмээн эрхэмлэн боддог.

Шинэ дугаарын эрхэм зочин маань Кембреджийн их сургуульд Библийн ухааны доктор зэрэг хамгаалсан судлаач Г.Баяржаргал ах байлаа. 

Би хэн бэ?, Бид юуны төлөө амьдарч байна вэ? хэмээх хоёр чухал асуултад Библийн дагуу маш тодорхой хариултыг өгсөн "Бурханы ард түмний зорилго" номын талаар бид ярилцсан юм. 

Бурханыг илүү их танин мэдье, Библийг гүн гүнзгий ойлгоё гэсэн хүсэлтэй хүн бүхэнд тус дэм болох ном билээ. 

Итгэгчиддээ зориулан үйлчилж буй подкастыг маань дэмжин хүрэх ёстой хүмүүст нь дамжуулан түгээж өгөөрэй гэж хүсэж байна. 

Шинэ дугаараар хүндэт доктор В.Дүгэрмаа ах маань оролцлоо. Сайн мэдээ болоод Христ итгэлийн талаарх Монгол хүмүүсийн асуудаг 100 гаруй асуултад Библийн суурь ойлголтыг багтаан тайлбарласан "Сайн мэдээнд сатаа мундахгүй" номын талаар та хүлээн авч сонсоно уу!

Монголын маань нэгэн эрхэм бүсгүй өөрийн амьдралын бодит түүхийг хуваалцан бичжээ. Энэ бол зүгээр ч нэг түүх бус бусдыг босгон байгуулж, урамшуулах, зүрх сэтгэлийг гэрэлтүүлэх, ухаарал хайрлах нандин түүх юм.

Шинэ дугаараар та бидний шимтэн уншдаг, итгэлийн суурь болсон Ариун Библийн талаар "Ариун бичээс нийгэмлэг"-ийн гүйцэтгэх захирал Б.Баярмагнайтай ярилцлаа. 

Монгол хэл дээрх библийн орчуулгуудын ялгаа, онцлог болоод библийг хэрхэн үнэн мөн чанараар нь уншин ойлгох талаар сонирхолтой яриа өрнүүлсэн билээ. Түүнчлэн хараагүй, сонсголгүй зэрэг онцгой хэрэгцээт хүмүүст зориулсан библийн хэлбэрүүдийн талаарх мэдээллийг та энэ удаагийн дугаараас хүлээн авна уу! 

Бид нийгмийн хог шаар хэмээн зарим хүмүүсийг ялгаравлан гадуурхах үзэгдэл нийгэмд байдаг. Гэтэл тэр хог шаар гэгдэж байгаа хүмүүс маань үнэндээ нуугдсан эрдэнэ мэт хүмүүс байх бөгөөд Бурханы тусламжтайгаар тэрхүү эрдэнэсийн авдрыг нээн илрүүлж чадах юм.
Бурхан хүнийг ямар нүдээр харж ямар өргөн уужим сэтгэлээр хүлээн авдаг болохыг харуулсан бодит амьдралын түүхүүдээр дүүрэн номыг та бүхэндээ танилцуулж байна.

Танд урам зориг хэрэгтэй байгаа бол магадгүй энэ дугаар маань тус болж чадна гэж найдаж байна.

Та өөрийгөө жирийн л нэгэн мэт мэдэрдэг үү? Агуу зүйлийг хийх нь ахадсан ажил шиг санагдаж, би үүнд тэнцэх хүн биш. Эсвэл хэн ч намайг анзаардаггүй гэж та боддог уу? Хэрэв тийм бол энэ ном танд зориулагджээ.
Энэ бол зөвхөн тод өнгийн шувуудыг биш, эгэл жирийн бор шувуудыг ч алдалгүй хардаг энгүй Бурханд үйлчилдэг энгийн хүмүүст зориулагдсан ном билээ.

Бид амласан ёсоороо "Тэнгэрлэг хүн" номын 2 дахь хэсгийг оруулж байна. Та бүхэн тухлан сууж таалан сонсоно уу! 

Сонсох бүрд тань ерөөл болох болтугай.