Бидний судалж буй номын шинэ бүлэг сэдэв бол "Хүсэл тэмүүллээ шинэчлэх нь" билээ. Үүний хүрээнд хүн өөрийн хүсэлдээ хэрхэн урхидуулдаг талаар энэ удаагийн дугаарт ярьсан юм.

Хүмүүний зүрхэн дэх төлөвлөгөө гүн ус мэт бөгөөд
Ухаантай хүн тэрхүү усыг гадагш гаргана. (Сургаалт үгс 20:5, АБ.2004)

Энэхүү дугаар дээр аливааг тэр дундаа хүнийг зөвхөн гадна үзэмжээр бүү дүгнээрэй гэдэг талаар гарах болно. Гадна талаа мөнгөөр бүрсэн ч дотроо үнэ хүрэхгүй шавар ваартай адил гаднаа сайхан мэт харагдавч дотроо хорон мууг боддог хүн ч байж болно.

Интроверт буюу дотогшоо чиглэсэн зан чанартай хүмүүс өөрийн амьдралаасаа өөрийгөө танин мэдэх байгалийн шинж чанартай байдаг. Харин экстраверт буюу гадагшаа чиглэсэн зан төлөвтэй хүн бусдын амьдралаас хараад суралцах шинж чанартай байна.

Гярхай хүний оюун ухаан мэдлэгийг эрж хайдаг. Харин мунхгуудын ам мунхаглалыг л зооглодог. (Сургаалт үгс 15.14, АБ 2004)

Гэм нүглээ нуун далдлагч хэзээ ч амжилтанд хүрэхгүй. Харин гэм нүглээ хүлээн зөвшөөрч, тэдгээрийг хаягч хүн хайр энэрлийг хүртэнэ. (Сургаалт үгс 28.13, АБ 2004)

“Зөвт хүн алга. Ганц ч алга” (Ром 3.10) АБ 2004.

Хүмүүний хамаг зам өөрийнх нь нүдэнд цэвэр харагддаг бол ЭЗЭН учир шалтгаанаар нь цэгнэн үздэг. (Сургаалт үгс 16.2)

Юуны түрүүнд зүрхээ хамгаал. Учир нь түүнээс амийн булгууд ундран гардаг юм. Мэхлэгч амыг цааш тавь. Заль мэхтэй үгсийг өөрөөсөө холдуул. Нүд чинь өмнө байгаагаа цэх хараг. Харц чинь урагшаа эгц тусаг. Хөлийнхөө доорх замыг хар. Тэгвэл бүх зам чинь дайвшгүй байх болно. (Сургаалт үгс4.23-26, АБ2004)

Харин шударга зөв хүмүүсийн жим болбоос үүрийн гэгээ мэт агаад, Тэр нь өдрийг авчрах хүртэл улам тод гэрэлтсээр байх болно. Хар санаатны зам нь харанхуй мэт буюу. Тэд юунд бүдэрч байгаагаа ч үл мэднэ.
(Сургаалт үгс 4.18-19, АБ2004)