Havhestur hoyrir til stormfuglabólkin saman vid skrápi, súlukongi, drunnhvita og albatrossi. Teir eru allir fuglar, ið sveima og gliða lættliga í luftini. Teir nýta vindin sum uppburð.

Havhestur er førur fyri at fáa ferð á, bert við nøkrum fáum títtum veingjasløgum. Hann heldur veingirnar stívar og kennist tiskil á flognum. Honum dámar væl at balast í illveðri.

Er vandi á ferð, hevur havhestur tó ikki lætt við at snúgva sær, eisini hevur hann ilt við at koma á flog og fer flaksandi eftir sjónum.