No Día Internacional da Enfermeiría falamos con Sandra Fernández Reis, enfermeira do Hula, na pranta do Covid.

O Alcalde do Vicedo, Jesús Novo, falou este xoves en Voces de Galicia de RadioVoz. Fíxoo como rexedor dun dos concellos galegos que non presentou ningún caso de coronavirus nestas semanas de pandemia. Novo explicou os motivos, ó seu xuízo, dese bo dato.

O GALP A Mariña-Ortegal vén de lanzar, xunto ao resto de GALPs de Galicia, a campaña “Queda na casa, queda co noso mar”, que utiliza o cancelo #QuedaCoNosoMar, para visibilizar o labor da xente do mar ante a situación provocada polo coronavirus Covid-19. O seu responsable de comunicación, Sergio Barbeira, estivo este venres en Voces de Lugo e A Mariña de RadioVoz, falando da campaña.

Os monitores da Rock School de Monforte crearon un tema no confinamento titulado Quédate. No seu videoclip participan ademais moitos dos alumnos. Lorena Do Val, profesora de canto explicounos como xurdeu a iniciativa

A asoc de comerciantes de Sarria vén de activar un sistema de merca de bonos para apoiar aos seus negocios. Falamos co seu presidente, Ricardo Arias

Verónica López é a nai de Lara, a pequena que naceu en plena autovía Vilalba-Ferrol coa axuda da Garda Civil. Narrounos a experiencia no noso programa.

O Alcalde da Fonsagrada, Carlos López, estivo nos nosos micrófonos, explicando que o Concello xa enviara en marzo un escrito á Xunta alertando de irregularidades nos centros de maiores Burón 1 e 2, intervidos pola consellería de servizos sociais a pasada semana

En pouco máis de 3 semanas o grupo de facebook "Dende a miña fiestra" conta xa con case 10.000 membros. A súa creadora amósase sorpendida pola repercusión que tivo a súa idea de fuxir a través das imaxes dende as fiestras das malas novas que nos anaegan nestes días por mor da alerta sanitaria. A focense explicou como naceu a iniciativa este mércores en Voces de Lugo e A Mariña de RadioVoz.

A chantadina Malú Ledo foi a primeira alta do Hospital de Monforte de coronavirus. Narrounos a súa experiencia desde que contraía a enfermidade ata que a superou

Adrián Ben teno claro, agora o que toca é a saúde e a familia. En La Voz del Deporte de RadioVoz, o atleta explicou este mércores o seu día a día no confinamento, onde grazas a unha cinta pode adestrar para non perder a forma de cara as citas ás que poda participar tralo estado de alarma sanitaria