Serokê Amerîkayê Donald Trump îro Înê ragihand ku ewê li Koşka Sipî kombûneke taybet bi Îranê pêk bîne da ku biryareke dawî derbarê rewşa wî welatî bide.

Vê nûçeyê û hinekên din di Bultena Rojê de bişopînin.

Di vê Bultena Rojê de, Hêro Zengene nûçeyên herî dawî derbarê egera rêkeftinekê di navbera Amerîka û Îranê de pêşkêş dike.

Hemedê Îbo ku derbiderekî Girê Sipî ye û li bajarê Kobanîyê dimîne, dibêje ew ditirse vegere mala xwe ji ber rûdanên borî û girtina wî ya tenê ji ber ku ew Kurd e. Ew daxwaza vegereke ewle dike.

Xortekî ji Helebçeyê, bi piştgiriya Komeleya Pizîşkên Amerîkayê, karîbû rêxistinekê ji bo zarokên xwedî pêdivîyên taybet li Herêma Kurdistanê ava bike. Bi saya wê rêxistinê, bi sedan kursîyên bi teker û perçeyên dest, ling û endamên din ên çêkirî ji wan re peyda kirine.

Di demekê de ku Kûpaya Cîhanî ya FIFA 2026'an ku dê di 11'ê Hezîranê de li Amerîka, Meksîk û Kenedayê dest pê bike, bajarê New Yorkê amadekarîyên xwe dike.

Serokê Amerîkayê Donald Trump roja Çarşemê got ku Îranê xwestiye ku rêkeftinekê bike lê Amerîka heta niha jê ne razî ye. Trump ev yek di civîneke kabîneya xwe li Koşka Sipî de kir.

Vê nûçeyê û hinekên din di Bultena Rojê de bişopînin.

Sudabe Azamîr xanimeke Îranî ye ku li Stenbolê dimîne û bawer e ku Amerîka û Îsraîlê dikarin xelkê Îranê ji vê rejîmê rizgar bikin. Ew dibêje berî vê rejîmê Kurd, Azerî, Cihû, Kildanî û gelek neteweyên din di hawîrdoreke aştîyê de dijîyan.

Wezîrê Derve yê Amerîkayê Marco Rubio îro Sêşemê got ku divê hemû hewl bên kirin da Tengava Hormuzê vekirî be. Wî da zanîn ku kiryarên Îranê li rêka deryayî de ne yasayî ne.

Vê nûçeyê û hinekên din di Bultena Rojê de bişopînin.

Partîyên Rojhilat daxwaz kir ku agirbesta di navbera Îran û Amerîkayê de, Herêma Kurdistanê jî di nava xwe de bihewîne, eger weha nebe ew ê têkoşîna xwe ya çekdarî bibin nav axa Rojhilatê Kurdistanê.

Her çendî hejmarek şûnwarên dîrokî li bajarê Kifrî yê Herêma Kurdistanê hatine parastin, lê bi dehan ên din di bin metirsîya wêranbûnê de ne. Rêveberîya bajêr dibêje eger budceyeke taybet ji bo nûjenkirina wan were veqetandin, dê Kifrî bibe herêmeke geştiyarîyê ya dîrokî.