Piştî bidawîhatina hilbijartinên parlemana Sûrîyê, rêjeya beşdarîya Kurdan bûye mijareke germ li Rojava. Çalakvan û rojnamevan dibînin ku bandora Kurdan di nav parlemanê de ji ber mekanîzma hilbijartinê û rêjeya lawaz a Kurdan dê lawaz be.

Ligel nêzîkbûna Cejna Qurbanê, bazarên Qamişlo bi reng û şêranîyên cejnê hatine xemilandin, lê tevgera kirîn û firotinê li gor salên borî lawaz e. Bilindbûna buhayên kel û pelan û guhertinên dawî yên sîstema gumrikê hêza kirînê ya welatîyan kêm kiriye û firoşkarên sewalan û şêranîyê xembar hiştine.

Pêvajoya aştîyê li Tirkîyê li gor hikûmetê bê kêşe berdewam dike, lê li gor alîyên Kurd pêvajo her çipas bidome jî lê heta niha ti gaveke erênî nehatîye avêtin. Ew hişyarî didin ku eger pêvajo wiha berdewam bike, dibe ku raweste.

Li Hesekê 88 endamên HSD’ê yên dîlgirtî ji hêla hikûmeta Sûrîya demkî ve hatin berdan. Tê zanîn ku ev piroseya 6an a berdana dîlgirtiyan bû, û li gorî parêzgarê Hesekê sibe dê piroseya 7an were bicîkirin.

Îro li Amerîkayê Roja Bîranînê ya Leşkerên Cangorî ye ku bi navê Memorial Day tê nasîn. Salih Demîcer vê nûçeyê û hin nûçeyên din pêşkêş dike.

Li gorî Komeleya Qurbaniyên Êrîşa Kîmyayî ya Helebceyê, di roja16ê Adara 1988an de nêzîkî 400 zarokên Helebceyê li nexweşxaneyên Îranê winda bûne. Hin ji xizmên zarokên winda dibêjin ku zarokên wan ji wan hatine veqetandin û careke din nehatine vegerandin.

Zêdetirî salek û nîv bi ser encamên hilbijartinên giştî yên Herêma Kurdistanê re derbasbûn, hîn jî li ser serokatiya parlemanê û avakirina hikûmeteke nû ti rêkeftinek çênebûye. Çavdêr dibêjin ku tevî civînan jî, hîn jî ti hêviyek ji bo avakirina kabîneya 10an a Hikûmeta Herêma Kurdistanê tune ye.

Li parêzgeha Hesekê hilbijartinên Encûmena Gel a Sûrîyê hatin lidarxistin. Di demekê de ku Encûmena Niştimanî ya Kurdî (ENKS) beşdar bû, Partiya Yekîtiya Demokratîk (PYD) û bîst û çar partiyên din ew baykot kirin.

Salekê piştî ku Helebçe bû parêzgeha 19emîn a Iraqê, hikûmeta Iraqê hîn jî ti proje ji bo bajêr pêk neaniye.

Parêzgarê Helebceyê dibêje ku ew ê meha bê serdana Bexda bike da ku bi Serokwezîrê Iraqê yê nû Elî Zeydî re bicive daxwazên parêzgehê bigihîne wî.

Serokê Hikûmeta Herêma Kurdistasnê Mesrûr Barzanî bi serdanekê li Bexdayê ye, di hevdîtinên xwe yên bi partîyên sîyasî û berpirsên hikûmeta Iraqê re li ser dosyayên girîng ên wekî budçe, madeya 140 û mijara wergirtina genim gotûbêj kirin.

Welatî hêvî dikin ku ev serdan çareseriyan bi xwe re bîne.