Voice of America

Nobeta li hember danîna qayumê li ber derîyê Bajarvanîya Wanê didome. Hevseroka DEM Partî Tulay Hatîmogullari beşdarî nobetê bû û bertek nîşanî cezakirina Hevbajarvanê Wanê Abdullah Zeydan da. Hatîmogullari got ku ger li şûna Zeydan qayum were danîn, pêvajoya dîyalogê wê zararê bibîne.

Kampa Erîşa li başûrê Hesekê ye û tê de pirtir ji 2700 malbatên Sûrî dimînin. Piştî 8 salan, bi ketina rejîma Esad û birîna alîkarîyan ser kampê, derbider vedigerin cîhên xwe yên resen. Karbidestên Rêvebirîya Xweser pêşbînî dikin ku di nava du mehan de kamp wê vala bibe.

Serokê Partîya Sosyalîsta Kurdistanê (PSK) Bayram Bozyel, Rêvebirê Partîya Kurdên Welatperwer (PWK) Jano Amedê û şîrovekarê sîyasî îbrahîm Guçlu biryara ENKS ya vekişîna xwe ji Hevbendîya Netewî ya Hêzên Şoreşê û Rikeberîya Sûrîyê (Îtilaf) dinirxînin.

Ebdulkerîm Elûş xwendekarê yekê yê ku li ser asta zanîngehên Rêvebirya Xweser, teza mastirê nîqaş kir û parast.

DAIŞ piştî ketina rejîma Esad çalaktir bûye û êrîşên dijî HSD bi taybetî li herêma Holê zêde kirine û hevdem, hewilên reva malbatên DAIŞê ji Kampa Holê jî zêde bûne. HSD dibêje ku tevî mijûlbûna hêzên wan di bersîvadana êrîşên çekdarên girêdayî Tirkîyê, ew ewlekarîya li dora kampê xurt dikin

Piştî biryara dadgehê ku 3 sal û 9 meh cezayê zîndanê da Abdullah Zeydan, rûniştvanên Wanê, li hember gumana danîna qayumê, li ber Bajarvanîya Wanê civîn û piştgirî bo Zeydan dîyar kirin. Zeydan dibêje ku divê ew hatiba berat kirin, lê jibo amedekirina bingeha danîna qayume, ceza li wî hate birîn.

Rêya Bajarokê Miksê ya Wanê, bi gumana aşitê ji du mehan zêdetir e, girtî ye. Ev yek jî li ser aborî û hemî jîyana Miksê bandoreke neyînî dike. Rûniştvan û sîyasetvan daxwaza çareserîyê dikin û bi bîr tînin ku di aşitên 2020’an de 42 kes miribûn, lê piştî 5 salan hin ew pirsgirêk çareser nebûye

Li Kobanî hin gavên yekrêzîya tevgera Kurdî li ser erdê tê avêtin. Partîya Azadîya Kurdistanî, kongreya xwe ya giştî li dar dixe û Asayîş jî parastina wê dike. Rûniştvanên bajêr jî ji wê rewşê pir şa dibin.

Serokên Ukraynî û Amerîkî hewil didin ku peymanekê girêdin. Ev, di vê demê de tê ku rêberên cîhanê ji 14 heya 16 Sibatê li Munîhê dicivin, ku siberoja ewlekarîya Kîevê jî di nav de, jimareke mijaran nîqaş bikin.

Serokê Amerîkî Donald Trump dîsa behsa kontrolkirina Gazayê kir. Ji alîyekî din ve, Rêvebirîya Trump baca gumrikê datîne ser pola û alumînyuma ku ji derve tê.