دانیشتوانی گوندی باغەزنێرە لە سنوری قەزای تەقتەق، باس لە ژیانی سادەی خۆیان دەکەن کە ڕۆژانە سەرقاڵی ئاژەڵداری و کشتوکاڵکردنن، سەرباری گۆڕانکارییەکان لە ژیانی شارنشینان، بەڵام تەواوی دانیشتوانی گوندەکە کۆچکردن بۆ شار ڕەتدەکەنەوە و دەڵێن ژیانی ئێرەمان ناگۆڕینەوە بە هیچ شوێنێک.

دانیشتوانی گوندی دوگۆمانی سەر بە ناحیەی سەرنگەسەر لە قەزای پشدەر، لە کاتێکدا بە مەڕدارییەوە خەریکن، سەرقاڵی زیندووکردنەوەی پیشەیەکی کۆنی کوردەواریشن کە چنینی چیخە لەسەر شێوازی کۆن.

سەرۆکی ئەمەریکا دانۆڵد ترامپ لە کۆبوونەوەکەی لەگەڵ شای ئوردن عەبدوڵڵای دووەم جەختی لە پلانەکەی بۆ خاوەندارێتی غەززە غەززە کردەوە، لە کاتێکدا ئەگەری تێکچوونی ئاگربەستی نێوان حەماس و ئیسرائیل لە ئارادایە.

بەهۆی گەمارۆکانی ئەمەریکا بۆ سەر ئێران و خراپی پەیوەندی نێوان ئێران و کۆمەڵگەی نێودەوڵەتی، دراوی ئێرانی لە بازاڕەکانی عێراق و هەرێمی کوردستان لە بەرامبەر دۆلاری ئەمەریکی بە تەواوەتی دادەڕووخێت، ئەمەش بازرگان و کاسبکارێکی زۆری دووچاری زیانی گەورە کردووە.

سەرۆکی ئەمەریکا دانۆڵد ترامپ باجی گومرگی بە ڕێژەی 25% لەسەر هاوردەکانی پۆڵا و ئەلەمنیۆم زیاد کرد، ئەمەش لە هەنگاوێکدا کە هیوادارە یارمەتی پیشەسازییەکانی ناو ئەمەریکا بدات. بەرپرسێکی کۆشکی سپی گوتی ڕێوشوێنە نوێیەکە لە 4 ی مانگی سێوە دەخرێتە بواری جێبەجێکردنەوە.

دوای مانگرتنیان لە خواردن بۆ ماوەی 15 ڕۆژ دواجار لە ژێر داوای 106 ڕێکخراو و چین و توێژە جیاوازەکاندا سیانزە مامۆستا و فەرمانبەرە مانگرتووەکان کۆتاییان بە مانگرتن هێنا، وەک پاڵپشتی و پشتگیری هەزاران هاووڵاتی لە نزیک چادرەکەیان کۆبوونەوە و دروشمی سەرکەوتن و پاڵپشتیان بۆ دووپات کردنەوە

داعش لە دوای ڕووخانی ئەسەدەوە چالاک بووە و هێرشەکانی بۆ سەر هێزەکانی سوریای دیموکرات زیادی کردووە، بەتایبەتی لە ناوچەی ئەلهۆڵ، لە کاتێکدا هەوڵەکانی خێزانەکانی داعش بۆ هەڵاتن لە کەمپی ئەلهۆڵیش لە زیادبووندایە.

شەیدا سەیاد خانمێكی دەرچووی زانكۆیە و دانیشتووی ناحیەی سیروانی سەر بە پارێزگای هەڵەبجەیە، بە توانا زانستییەكانی و ئەزموونكردنی بە شێوەیەكی پراكتیكی، زیاتر لە 20 جۆر كاڵای جوانكاری و سابون و نەرمكەرەوە و بابەتی خانمانەی بەرهەم هێناوە و خستونیەتە بازاڕەوە.

تۆڕەکۆمەڵایەتییەکان کاریگەری و لێکەوتەی زۆریان بەسەر کۆمەڵگاوە هەیە، چیا ڕێنوار شارەزای ئای تی، باس لە بەکارهێنانی تۆڕەکۆمەڵایەتییەکان لە لایەن کۆمەڵگەی کوردی دەکات و کۆمەڵێک پرس و کاریگەری گرنگ دەخاتەڕوو.

لە شاری وان ژمارەیەک ژن بە سەرۆکایەتی بزووتنەوەی ژنانی ئازاد لە ناوەندی شار کۆبوونەوە و دەیانویست لە ژێر دروشمی "ژنان بەرەو ئازادی" ڕێپێوان بکەن. بەڵام بەهۆی نەبوونی مۆڵەت لەلایەن پارێزگارەوە، هێزە ئاسایشییەکان گەمارۆی ئەو ژنانەیاندا و بە شێوەیەکی توندوتیژ ژمارەیەکیان لێ دەستگیر کردن.