منارەی حەدبا لە سەردەمی سەلجوقیەکان لە ساڵی 1172 زاینی بە دەستی نورەدین زەندی دروستکراوە، منارەکە لای خەڵکی موسڵ بە هێمایەکی مێژوویی دەناسرێت، ئەم منارەیە لە لایەن داعش لە ساڵی 2017 تەقێنرایەوە.

لە یادی 10 ساڵەی ئازادکردنی کۆبانیدا. دکتۆر محەمەد عارف عەلی ئەو پزیشکەی بڕیاریدا لە شارەکە بمێنێتەوە بۆ تیمارکردنی بریندارەکان، چیرۆکی ئازار و خۆشییەکانی شەڕی تێکشکاندنی داعش و گەڕاندنەوەی شارەکەدا دەگێڕێتەوە.

لەم وتوێژەدا نوسەر و ڕوناکبیر مەریوان وریا قانع باس لە بەرهەمە نوێکەی دەکات بە ناوی " بەهەشتی ئیجباری" و دەڵێت بەهەشتی ئیجباری ڕوو لە هەموو کۆمەڵگەیە و هیچ نوسەرێکیش بەبێ خەون و گۆڕانکاری نانوسێت.

ژنە هونەرمەندێکی خەڵکی ڕۆژهەڵات، لە دوای شۆڕشی ژیناوە چەندین پەیکەری بە تەل دروستکردووە و هەریەک لە پەیکەرەکان ئازار و ئەشکەنجە و لە سێدارەدانی ئەو کەسانە پیشان دەدات کە لە دوای شۆڕشەکەوە کۆماری ئیسلامی ئێران ئەنجامی داون.

زایەڵەی داهێنان بەرنامەیەکی فەرهەنگییە و هەر دوو هەفتە جارێک لە بەشی کوردی دەنگی ئەمەریکا ئامادە و پێشکەش دەکرێت و لە کەناڵی ئێن ئاڕتییەوە پەخش دەکرێت

گەنجێک لە هەڵەبجە خولیای بە خێوكردنی باڵندەی دەگمەن و باڵندەی وڵاتانی دیكەی هەیە، كە بەشێوەی قاچاخ دەهێنرێنە هەرێمی كوردستانەوە، ئەو لە كێڵگەكەیدا دەیەوێت جیهانێک بۆ باڵندەكان دروست بكات و لەگەڵ كەشوهەوای كوردستان بیانگونجێنێت و ژمارەیان زیاد بكات،

ئێستا کە دەسەڵاتی درێژخایەنی بەشار ئەسەد لە سوریا کۆتایی هاتووە، ئەندامانی خێزان و گروپە فریاگوزارییەکان بەردەوامن لەگەڕان بەدوای ڕۆژنامەنووسی ونبوو ئاستین تایس لەزیندانەکانی دیمەشقدا.

لە نێو ئەو پلانە زۆرانەی سەرۆک دانۆڵد ترامپ لە یەکەم ڕۆژی گەڕانەوەیدا بۆ پۆستەکەی ئاشکرای کردن، ڕێنمایییەک بوو بۆ ئەمەریکا بۆ زیادکردنی بەرهەمهێنانی نەوت و دەستبەرداربوون لە گرنگیدان بە وزەی پاک.

دوای زیاتر لە دوو ساڵ لە داڕمانی سیاسی، خەڵک لە لوبنان هیوایان بە سەرۆکی نوێ جۆزێف عەون بۆ کۆتاییهێنان بە ناسەقامگیری وڵاتەکەیان. هەروەها زۆرێک هیوایەکی زۆریان هەیە بە گەڕانەوەی دانۆڵد ترامپ و پێیان وایە یارمەتیدەر دەبێت لە گەڕانەوەی ئاشتی و ئارامی بۆ لوبنان.

بەهۆی کەمی بارانبارینەوە، منداڵانی شارۆچکەی دێرک لە رۆژئاوا وەک نەریتێکی کۆن کۆدەبنەوە و بوکە بەبارانێ دەکەن تا باران ببارێت. لە ناوچەکەدا ئەو ڕێوڕەسمە پێی دەوترێت بوکە بەبارانێ و گوندنشینەکان پێکەوە خواردن ئامادە دەکەن و نزا دەکەن و لە خوادا دەپاڕێنەوە باران ببارێت.