ڕاوکردنی گیانلەبەرە کێوییەکان لە هەندێک ناوچە ڕێگەپێدراوە کە لەلایەن حکومەتی ناوەندی عێراقەوە کۆنترۆڵکراون و ڕێگە بە ڕاوچییەکان دەدرێت بە ئازادی ئاژەڵە کێوییەکان ڕاوبکەن، لەکاتێکدا لە هەرێمی کوردستان قەدەغەیە، ئەمەش وایکردووە زۆرێک لە ڕاوچییە کوردەکان خۆیان بگەیەننە ئەو ناوچانە بۆ ڕاوکردن

ئەنجومەنی نوێنەرانی عێراق لە ڕۆژی 21ی مانگی یەکی 2025 دەنگی لەسەر سێ پرۆژە یاسای هەستیاردا، کە یەکێکیان باری کەسێتیە. تێپەڕاندنی یاساکە کاردانەوەی لە سەر ئاستی عێراق و جیهانیشدا بەدوای خۆیدا هێنا؛ ڕەخنەگران دەڵێن بڕیارەکە دەرگا دەکاتەوە لەبەردەم بەیاساییکردنی بەشوودانی کچانی منداڵ.

نزیکەی 50 کەس لە ڕزگاربووان لە شوێنی کەمپی مەرگی نازییەکان لە ئاوشڤیتز لە پۆڵەندا لەگەڵ سەرکردەکانی جیهان بەشداریان لە یادی 80 ساڵەی ڕۆژی جیهانی هۆلۆکۆستدا کرد.

تیمێک لە توێژەرانی زانکۆی سێنتراڵی فلۆریدا لە کاتی کارکردنیان لە شوێنی سەردەمی برۆنز لە ناوچەی قەبرستان لە هەولێر، چەندین شوێنەواری مێژووی دەدۆزنەوە.

شارەوانی وان کەشتییەکی وەک کتێبخانەیەکی ژنان ڕێکخستووە. ئەو ژنانەی گەشت بە کەشتییەکە دەکەن، نەک هەر لە نێو جوانییەکانی سروشتدا کتێب دەخوێننەوە، بەڵکو لەم گەشتەدا شوێنە مێژووییەکان و شوێنە گرینگەکانی دەوروبەری دەریای وانیش دەبینن.

لە چاوپێکەوتنێکی تایبەتدا لەگەڵ دەنگی ئەمەریکا، مایڵز کاگینزی وتەبێژی پێشووی هاوپەیمانی نێودەوڵەتی لە شەڕی دژی داعش باسی لە خۆشەویستی و پەیوەندییەکانی لەگەڵ کورد کرد.

كچێكی هەڵەبجە بەهۆی ئەوەی خانەوادەكەیان ساڵانێكی زۆرە نەمامگەیان هەیە و ڕۆژانە لەسەر گوڵ و نەمامەكان كاردەكەن، ئێستا لە ناو شوشەكاندا گوڵەكان بۆ ماوەیەكی زۆر بەبێ ئاو دەهێڵێتەوە و وەک خۆی دەڵێت، ئەو ماڵانەی شوێنی گوڵیان نیە و ڕووناكیان كەمە دەتوانن گوڵی زیندوو لەناو ئەم جۆرە شوشانە پەروەردە بكەن.

هەوڵەکان بۆ دەستپێکردنی پرۆسەی ئاشتی لەتورکیا بەردەوامە و کوردەکانی سوریاش دەڵێن ئەمە کاریگەری ئەرێنی دەبێت لەسەر مەسەلەی کورد لەسوریا و هەروەها لەسەر پەیوەندییەکانی نێوان دیمەشق و قامشلۆ، هەرچەندە کوردەکانی سوریا بەم هەوڵانە دڵخۆشن، بەڵام گومانیان هەیە لەوەی سەربگرێ.

خواردنگەیەک بۆ یەکەمجار لە شاری سلێمانی خواردنی دەریایی نامۆ پێشکەش بە کڕیارەکانی دەکات، ئەو خواردنانەی پێشکەشی دەکات بریتین لە قرژاڵ و ئەختەبووت و ڕۆبیان و گوێچکە ماسی و چەند جۆرێکی تر، خاوەنەکەی ئاماژە بەوە دەکات خواستێکی زۆر لەسەر خواردنەکانیان هەیە.

419 گرووپی سیاسی و کۆمەڵایەتی لە نێویاندا دەبەپە و پارتی دەم لە ئامەد کۆبوونەوەیەکی تایبەتیان ئەنجامدا و باسیان لەوە کرد کە ئۆتۆنۆمی باشترین سیستەمە بۆ بەڕێوەبردنی باکوری سوریا و ئەمە دەتوانێت نموونەیەک بێت بۆ هەموو سوریا. بەڵام لایەنە کوردییەکان دەڵێن سیستەمی فیدراڵی باشترین ڕێگەیە بۆ خەڵکی سوریا.