لە سەرجەم شار و شارۆچکەکانەوە مامۆستایان بە خۆپیشاندانەوە گەشتنە چادری مامۆستایانی مانگرتوو لە سلێمانی، کە ماوەی حەوت ڕۆژە مانیان لە خواردن و خواردنەوە گرتووە بۆ داواکردنی مافەکانیان.

كاردانەوەكان لەسەر مانگرتنی مامۆستایانی سلێمانی بەردەوامن و ژمارەیەكی زۆر لە مامۆستایان لە هەڵەبجەوە بۆ پشتیوانیكردن لە داواكاری مامۆستایانی مانگرتوو بەرەو سلێمانی بە ڕێكەوتن، هۆشداریش دەدەن لە خراپ بوونی تەندروستی مانگرتووان.

دوو موزیکژەنی کورد هۆنراوەی "Do Zelven T" ی بابا تاهیر ئوریان دەکەنە گۆرانی و گۆرانییەکە لە چیاکانی هەکاری تۆمارکرا. هونەرمەند و توێژەر سەردار کەنعان باس لە ناوەڕۆکی ئەم بڕگەیە و گرنگی شوێنەوارە دێرین و کلتورییەکان دەکات.

پێنج ڕۆژ تێپەڕی بەسەر مانگرتنی بەشێک لە مامۆستایان لە خواردن لەبەردەم نوێنەرایەتی نەتەوەیکگرتووەکان لە شاری سلێمانی، دۆخی تەندروستی مامۆستاکان تا دێت خراپ دەبێت و بەرپرسانی پەروەردەش هیچ هەڵوێستیان لەبارەی مانگرتنی مامۆستایانەوە نەبووە.

هاووڵاتیان و کاسبکارانی هەولێر نیگەرانن لەوەی موچە لەکاتی خۆیدا نادرێت و حکومەتی نوێ هێشتا دروستنەکراوە ئەوەش بە هۆکار دەزانن لەوەی ئیشوکاری ڕۆژانەیان وەکو پێویست بەڕێوە ناچێت و دۆخی بازار شێواوە، بۆیە خوازیارن بەزوویی لایەنەکانی هەرێمی کوردستان لەسەر حکومەتێکی خزمەتکار بە هاووڵاتیان ڕێکبکەون.

بەمەبەستی پاڵپشتیکردنی مامۆستایان و فەرمانبەرانی سنوری سلێمانی کە ماوەی چەند ڕۆژێکە خێمەیان هەڵداوە و داوای چارەسەری بنەڕەتی موچەکانیان دەکەن، ژمارەیەک لە مامۆستا و خانەنشینی سنوری هەولێر گردبوونەوە و وتیان ئێمەش دەنگمان لەگەڵ دەنگی ئێوەیە و پێویستە حکومەتی هەرێم بەزوویی کێشەکان چارەسەر بکات.

لەکاتێدا سەرۆک ترامپ داوا لە وڵاتانی ئەندامی ناتۆ دەکات بۆ تەرخانکردنی پارەیەکی زۆرتر بۆ ئەو هاوپەیمانیە سەربازییە، وڵاتی ئیسپانیا لە هەوڵدایە بۆ دابینکردنی پارەی زۆرتر، ئەمەش لەکاتێدا ئەو وڵاتە تا ئێستا بە بەراورد بە داهاتەکەی، کەمترین پارەی بە ناتۆ داوە.

کۆماری ئیسلامی ئێران هەوڵەکانی خۆی چڕ کردوونەتەوە هەتا بتوانێت سیخوڕی زیاتر لەناو ئیسرائیلدا بخاتە ژێر ڕکێفی خۆیەوە و پارەیەکی زۆریشیان دەداتێ هاوکاتی ئەو هەژارییەی لە ئێراندا بووەتە دیاردە.

زریان گەنجێکی نابینایە لە ئیدارەی ڕاپەڕین لە ڕانیە و لەگەڵ ئەوەی 28 ساڵە بینایی لەدەستداوە و سەدا سەد نابینایە، بەڵام لە ڕێگەی هێزی هەستەکانییەوە وەک کەسێکی ئاسایی مامەڵە دەکات، تەنانەت ئۆتۆمبێل لێدەخوڕێت و هاوکات وەستای چاککردنەوەی ئامێرە کارەباییەکانە.

دانیشتوانی گوندێک لە خورماڵ بەهۆی كەمی كارەبای نشتیمانی و نەبوونی مۆلیدە لە گوندەكەیان، سود لەسەرچاوەی خۆر وەردەگرن بۆ دابینكردنی كارەبای ڕۆژانەیان و زۆرینەیان ئێستا كارەبای بەردەوامیان هەیە و دەڵێن ئەو سیستەمەی بەكاری دەهێنن دۆستی ژینگەیە.