حکومەتی عێراق هەوڵدەدات ناحیەکانی قەرەتەپە و جەلەولا لە قەزای خانەقین داببڕێت و بیانکات بە قەزا، لایەنە کوردییەکانی خانەقینیش هەڕەشەی هەڵوێست وەرگرتن دەکەن و دەڵێن عێراق بە پلان سنوری ئیداری خانەقین بەرتەسک دەکاتەوە.

شارەوانی ئامەد و کۆمەڵەی ڕۆشنبیری و هونەریی شارەکە، ئاهەنگێکیان بە بۆنەی سەری ساڵی نوێی کوردی ساز کرد. زۆرێک لە منداڵان یەکەم جاریانە بەشداری لە ئاهەنگی سەری ساڵی کوردیدا دەکەن و زۆر دڵخۆشن.

لە کاتی هەڵمەتی سەرۆکایەتیدا، دانۆڵد ترامپ ئاماژەی بە ئۆرورا لە کۆلۆرادۆ کرد وەک نموونەیەک بۆ ئەنجامدانی تاوان لە لایەن کۆچبەرانەوە کە لە ڕێگەی دیپۆرتکردنەوەی بە کۆمەڵەوە چارەسەری دەکات. پارێزگاری کۆلۆرادۆ دەڵێتتەنها پێشوازی لە دیپۆرتکردنەوەی ئەندامانی باندەکان دەکات.

کامپی پەنابەرانی کوردانی سوریا لە ناحیەی دۆمیز لە دهۆک لە ساڵی 2011وە کراوەتەوە، لەوکاتەوە هەتا ئێستا هاوکارییان لەلایەن ڕێکخراوەکان پێگەیشتووە، بەڵام دانیشتوانی ئۆردۆگاکە دەڵێن لە ئێستادا و دوای ڕووخانی ڕژێمی سوریا ئەوان پشتگوێ خراون.

لە چالاکیەکی ژینگەییدا ڕیکخراوی سروشتی کوردستان بە هاوکاری بەڕێوەبەرایەتی پارکی هەواری شار، هەزار داربەڕوو دەچێنن، چالاکیەکە لەلایەن کۆمەڵێک لە ژینگە پارێزان و چالاکوانانی بواری ژینگەوە ئەنجامدرا بە مەبەستی سەوزکردنی سروشتی سلێمانی.

لادانی ڕژێمی ئەسەد لە سوریا، دوایین سەرکەوتنی تورکیایە لە کێبڕکێی لەگەڵ ئێران بۆ کاریگەریی ناوچەیی. بەڵام شرۆڤەکاران دەڵێن تاران هێشتا کارتی زیاتری لەبەردەستدایە لە زیادبوونی ڕکابەرییەکەی لەگەڵ ئەنکەرە.

لە 20ی مانگی یەک، سەرۆکێکی نوێ بە فەرمی لە ئەمەریکا سوێندی یاسایی دەخوات. بەڵام ئەم مەڕاسیمە لەم ڕۆژەدا کەی دەستیپێکرد و چۆن دیاریکرا؟

ئەمڕۆ دووشەممە، هەزاران ئاوارە لە کەمپەکانی سەرێکانی و شار و شارۆچکەکانی ناوچەی جەزیرە، بەرەو قامشلۆ بەڕێکەوتن و خۆپیشاندانیان ئەنجامدا و دوای گەڕانەوە بۆ زێدی خۆیان دەکەن، پاشان بەرەو بینای نەتەوە یەکگرتووەکان ڕێپێوانیان کرد و بەیاننامەیەکیان ئاڕاستەی نەتەوە یەکگرتووەکان کرد.

ڕەجەب تەیب ئەردۆغان سەرۆکی تورکیا پەیامێکی سەبارەت بە پڕۆسەی نوێی ئاشتی پێشکەش کرد و وتی "ئامانجی ئەم هەوڵانە ئەوەیە کە پەکەکە بێ مەرج چەک دابنێت و خۆی هەڵبوەشێنێتەوە". ئەردۆغان هەروەها پەکەکەی بە هۆکاری شکستی یەکلاکردنەوەی پڕۆسەکە زانی و هەمان ڕۆژ دەمیرتاش پشتیوانی خۆی بۆ ئەم پڕۆسە نوێیە ڕاگەیاند

زیاتر لە سێ هەزار خێزانی خەڵکی عەفرین کە لە شەڕ وئاڵۆزییەکان هەڵاتوون لە قامشلۆ نیشتەجێن، زۆربەیان لە قوتابخانەکاندا ماونەتەوە، ئاوارەکان دەڵێن پێداویستییە سەرەتاییەکانی ژیانیان نییە، هەروەها دەزگا مرۆییە نێودەوڵەتییەکان هاوکاریان ناکەن.