لەکاتی دواکەوتنی بارانبارین یان وشکەساڵی، منداڵانی کورد وەک نەریتێکی کۆن کۆدەبنەوە و بوکە بەبارانێ دەکەن بۆ ئەوەی باران ببارێت. خەڵکیش شیرینی و پارەیان بەسەردا دابەش دەکەن و ئاو پرژێنیان دەکەن. بەتەمەنەکانیش نزا دەکەن نزای منداڵان ببێتە ڕاستی و دەشت و دەر و کانیاوەکان ببوژێنەوە بەبارینی باران.

ئەمەریکا و هاوپەیمانی نێودەوڵەتی هێزەکانیان لە ناوچەکانی باکور و ڕۆژهەڵاتی سوریا زیاد دەکەن و ڕۆژانە کاروانی یارمەتییەکان لە هەرێمی کوردستانەوە دەپەڕنەوە بۆ ناوچەی دێریک. دانیشتوانی هەرێمەکە هیوادارن ئەم زیادبوونە ببێتە مایەی سەقامگیری بۆ ناوچەکە.

سەرۆکوەزیرانی بەریتانیا ڕەخنەی لەو کەسانە دەگرێت کە بە وتەی خۆی "درۆ و زانیاری هەڵە بڵاودەکەنەوە"، ئەمەش دوای ئەوەی کەوتە بەر هێرشی ئیڵان ماسک. هاوپەیمانی ترامپ ستارمەری تۆمەتبار کرد بەوەی سەرکەوتوو نەبووە لە یەکلاکردنەوەی دادگاییکردنی کەیسەکانی دەستدرێژیکردنی سەر منداڵان.

لە کاتێکدا دانیشتووانی شاری کۆبانی بە بوونی هێزێکی ئەمەریکایی لە ناوچەکە دڵخۆشن، بەڵام بەردەوامی هێرشەکان بۆ سەر لادێکانی ناوچەکە بێزاری کردوون. هاوکات خەڵکی کۆبانێ پشتیوانی خۆیان بۆ (هەسەدە) دەردەبڕن بۆ دەستەبەرکردنی مافەکانی کورد لە ئایندەی سوریای نوێدا.

سەرچاوەیەک لە وەزارەتی کۆچی عێراق ڕایدەگەیەنێت حکومەت لە ساڵی 2012ەوە 2640 خێزانی داعشی لە سوریا گەڕاندۆتەوە و پێشبینی دەکات لە چەند هەفتەی داهاتوودا 159 خێزانی دیکە بگەڕێنیتەوە. خێزانەکانی داعش لە باشووری موسڵ جێگیر دەکرێن و گەڕاندنەوەیان زۆرێک لە دانیشتوانی موسڵی نیگەران کردووە.

هێرشکردنە سەر بەنداوی تەشرین لەلایەن تورکیاوە هەڕەشە لە لەناوچوونی دەکات و هەروەها پەککەوتنی ئەو بەنداوە کاریگەری لەسەر ئابووری و ژیانی ڕۆژانەی خەڵکی کۆبانی هەیە.

کوردەکانی سوریا بە درێژایی شەڕی ناوخۆ ڕۆڵێکی کارا و گرنگیان لەو وڵاتەدا هەبووە و ئێستا لە سوریای دوای ئەسەد، ژنانی کورد داوای خستنەڕووی مافی ژنان دەکەن لە دەستووری سوریادا و دەڵێن پشکی ژنان لە لیژنەی داڕشتنی دەستووردا پێویستە 50% بێت .

كاكەییەكانی هەڵەبجە و پەیڕەوكارانی شیعە پەیوەندی مێژووی ئاینی هاوبەش لە نێوانیاندا هەیە و لەو چوارچێوەیەدا عەمار حەكیم یەكێك لە سەركردە دیارەكانی شیعە كاكەییەكانی هەڵەبجەی بەسەركردەوە و داوایكرد هەموان كار بۆ پێكەوەژیانی ئاینی و كۆمەڵایەتی لە چوار چێوەی عێراق بكەن.

دانۆڵد ترامپ سەرۆکی هەڵبژێردراوی ئەمەریکا هەوڵ دەدات خەرجییەکانی حکومەت کەمبکاتەوە و بەم مەبەستەش کۆمیسیۆنێکی ڕاوێژکاری پێشنیارکراوی بە ناوی وەزارەتی کارایی حکومەت دامەزراندووە بۆ ئەوەی چاودێری هەوڵەکان بکات.

بە سەدان خەڵکی سیڤیل ڕۆژی چوارشەممە بەرەو بەنداوی تشرین بەڕێکەوتن بۆ دەربڕینی ناڕەزایی بەرامبەر ئەو هێرشانەی دەکرێتە سەر ناوچەکەیان. هاوکاتی ئەوەی کاروانی خەڵکەکە لە بەنداوەکە نزیک دەبنەوە، بۆردومانی ناوچەکە کراوە. بەپێی ڕاپۆرتەکان تورکیا بۆردومانەکەی کردووە.