دانۆڵد ترامپ، سەرۆکی داهاتووی ئەمەریکا، خوازیارە بەڕێوەبەرایەتییە نوێـیەکەی خەرجییەکانی حکومەتی فیدراڵی ئەمەریکا کەمبکاتەوە، بۆیە دەستەیەکی ڕاوێژکاری بۆ ئەم مەبەستە پێکهێناوە.

کۆنگرێسی ئەمەریکا ڕۆژی دووشەممە کۆبووەوە بۆ پەسەندکردنی سەرکەوتنی دانۆڵد ترامپ لە هەڵبژاردنەکانی سەرۆکایەتی 2024 دا. پرۆسەکە لە دۆخێکی ئارام بەڕێوەچوو جیاواز لەوەی چوار ساڵ لەمەوبەر ڕوویدا.

بە یارمەتی دامەزراوەی سمثسۆنیەنی ئەمەریکایی نۆژەنکردنەوەی ئاسەوارە مێژووییەکانی شاری نەمرود لە باشوری شاری موسڵ بەردەوامە. ئەم شوێنە دەگەڕێتەوە بۆ سەدان ساڵ پێش زایین بۆ سەردەمی حوکمڕانی ئاشورییەکان، بەڵام لە کاتی دەسەڵاتی داعش لە موسڵ زیانێکی زۆری پێگەیشت.

موسلیم یاریزانێكی هەڵبژاردەی كاراتێ عێراقە، ئەو سەرەڕای ئەوەی قاچێكی لە ڕووداوێكی هاتووچۆدا لە دەستداوە وازی لە خەونەكانی نەهێناوە و لەسەر ئاستی وڵاتان لە پاڵەوانیەتییەكان بەشداری دەكات و خەڵات بە دەستدەهێنێت. ئەو دەڵێت، "هەرگیز چاوەڕێی ئەوە نیم بە سۆزەوە لێم بڕوانن من پاڵەوانی هەڵبژاردەكەمم."

مەترسی گەڕانەوەی داعش زیادیکردووە و دانیشتوانی ناوچەی دێریک و دەوروبەریش خۆیان بۆ بەرگری لە شارەکانیان ئامادەکردووە، ژنانی داعشیش چاوەڕێی دەرفەتێکن بۆ ئەوەی لە کەمپەکان دەربچن.

کۆنگرێسی نوێی ئەمەریکا دەست بە کارەکانی دەکات پاش ئەو مشتومڕە زۆرەی مانگی ڕابردوو هەبوو لەسەر دابین کردنی دارایی بۆ خەرجییەکانی حکومەت. هەرچۆنێک بێت پێدەچێت ئاڵنگاری هەبێت لەبەردەم کۆمارییەکاندا کە زۆرینەن لە سینات و ئەنجومەنی نوێنەرانیشدا و هەروەهاش کۆشکی سپیش لای خۆیان دەبێت.

بە پێی ئێف بی ئای تۆمەتبارەکەی هێرشە تیرۆریستییە کوشندەکەی ڕۆژی سەری ساڵ لە نیو ئۆرلەینز لەلایەن داعشەوە هاندراوە و پێدەچێت ئەو کارەی بە تەنها کردبێت. تۆمەتبارەکە سەربازێکی دێرینی سوپای ئەمەریکایە. لێکۆڵینەوەکان بەردەوامن لەسەر هۆکار و ئەگەری پەیوەندییەکان بە هێرشێکی دیکەی ئۆتۆمبێل لە لاس ڤێگاس.

لە ساڵی نوێدا بیلال ئەردۆغان لە گردبوونەوەیەکی ئەستەنبوڵدا دژ بە سیاسەتەکانی ئیسرائیل و ئەمەریکا پشتیوانی خۆی بۆ غەززە دەربڕی و دوای ئەو قسانەی کاردانەوەی زۆر هەبوو بەرامبەر بە لێدوانەکانی لەسەر قودس و ئەقسا.

لە چاوی واشنتۆنی ئەم هەفتەیەدا دوو بابەت باس دەکرێن؛

*کورد لە هاوکێشە نوێیەکانی سوریای پاش دەسەڵاتی بنەماڵەی ئەسەد.

*جیمی کارتەر، ژیاننامەی سەرۆکایەتی و پاش سەرۆکایەتی ئەمەریکا.

لیندا مکماهۆن، دەستنیشانکراوی ترامپ بۆ وەزارەتی پەروەردەش پشتیوانێکی سەرەکی و بەخشەرێکی هەڵمەتەکانی هەڵبژاردنی بووە. زۆربەی ژیانی پیشەیی خۆی یارمەتی سەرکردایەتیکردنی کۆمەڵەی وەرزشی زۆرانبازی داوە. سەرەڕای ئەوەی زۆرێک لە .شیکاران دەڵێن ئەزمونێکی سنوورداری هەیە, بەڵام چاوەڕوان دەکرێت گۆڕانکاری بکات