ኢየሱስ ማን ነው? ክፍል 47 ቆላ. ከምዕራፍ 1:28-29

የዛሬ ጥያቄዎች

1. ሳምሶን የእግዚአብሔር ቅባት አለው ነገር ግን ቤተሰቦቹ የሚሉትን አይሰማም ነበር ይህ ደግሞ አለማዊ ክርስትያንን ይመስላል የሚለው ይብራራልን።

2. እግዚአብሔርን መናፈቅ እና መጠማት ቃሉን ከተለያየ ቦታ እየሰሙ መሰብስብ ነው ወይ?

3. ፆምን እንዴት ነው የምንፆመው?

4. እንደ ቀልድ አድርገን በተናገርነው ነገር የተጎዱትን ልጆች እንዴት ነው መመለስ የምንችለው?

የዛሬው ማንነታችን ነገ በህይወታችን ለሚሆነውና ሊገለጥ ላለው ደግሞም ለምንሆነው ዋናና ወሳኝ ነገር ነው:: የእግዚአብሔር ክብር በነገው ህይወታችን እንዲገለጥ በእኛም ደግሞ እንዲሰራ ዛሬ ትሁት ሆነን ፅድቅንም በመምረጥና እርሱን በመስማት በፊቱ ልንሆንያስፈልጋል::

ኢየሱስ ማን ነው? ክፍል 46 ቆላ. ከምዕራፍ 4:7-8

የጸለይንበት ማለት እግዚአብሔር እንካችሁ ብሎ የሰጠን ነገር ማለት ነው፣ የእግዚአብሔር ስጦታ ፍጹም በረከትና መርገም የሌለበት ሲሆን በባህሪው ደግሞ ደግ አባት በመሆኑ የሰጠንን መልሶ አይወስድብንም፣ ልጅን የሚያክል ውብ ነገር ከምጥ በሗላ እንደሚገኝ አንዳንዴ ከውስጣችን የሚወለድ ነገር ካለ እግዚአብሔር እንድናምጥ ያደርገናል፣ በምጥና በስቃይ ውስጥ ስናልፍ በእግዚአብሔር ፊት ጥሩ ባልሆነው ነገር እንዳንያዝ በጥንቃቄ የእግዚአብሔርን ጥሩ ለማወቅ መጸለይና የእርሱን ጥሩ ለማድረግም ሆን ለመቀበል ዝግጁ መሆን አለብን፣

የእግዚአብሔር ቃል በዋጋ ተገዝታችኍልና የራሳችሁ አይደላችሁም ስለሚል አካሉን ለመጥቀም በምንችልበት ሁሉ የምንቆምና ለበጎ ስራ ሁልጊዜ የተዘጋጀን ልንሆን ይገባናል፣ ለራስ መኖር ትልቅ ውድቀት ነው፣ እግዚአብሔርን መበደል መንፈስ ቅዱስን ማሳዘንና የሙላቱ መገለጫ የሆነችውን ቤተክርስቲያንን ማጎሳቆል ነው፣

ኢየሱስ ማን ነው? ክፍል 45 ቆላ. ከምዕራፍ 1:24-25

መንፈሳዊ ስኬት ማለት እግዚአብሔርን ከፊት ማየት ነው፣ ዛሬ እያለፍንበት ያለነው ወይም ነገ በህይወታችን ለሚመጣው ማንኛውም ፈተና የመወጣጫ አቅም የሚኖረን ጌታን ከፊታችን ባየነው መጠን ነው፣ እግዚአብሔርን ከፊታችን ስናይ በማንኛውም የህይወት ማዕበልና ወጀብ ውስጥ ሳንታወክ ተረጋግተን እንኖራለን፣ እግዚአብሔርን ከፊት ማየት ሲጠፋብን ግን የሚያስጨንቀንንና ተስፋ የሚይስቆርጠንን የጠላት ድምጽ አስተናጋጆች እንሆናለን፣

ኢየሱስ ማን ነው? ክፍል 44 ቆላ. ከምዕራፍ1-4

እግዚአብሔር ካልተናገረ የመለኮት ሃሳብ ወደ ሰው የሚደርስበት መንገድ ስለሌለ በዘመናት ሁሉ እግዚአብሔር ለእያንዳንዳችን አስኪገባን ይናገረናል፣ ቃሉ እንደሚል ከእግዚአብሔር የሆነ የእግዚአብሔርን ቃል ይሰማል፣ በክርስቶስ የእውነት ልጆች ሆነን ተወደናልና እውንትን ለመስማት ልባችን ሁልጊዜ የተዘጋጀ ሊሆን ይገባል፣