በመለኮት እቅድ የተጠራ ስው፣ ገና በማህጸን ሳለ፣ በጌታ የታወቀና የተጠበቀ ነው። በእምነት እራሳችንን በእርሱ ጥበቃ ውስጥ ማስቀመጥን እንድንለምድ እግዚአብሔር ይፈልጋል። ጌታ ትልቁ የሚፈልገው፣ የታመነ መሆኑን እንድናውቅና በቃሉ የሚገኝ ታላቅ አምላክ መሆኑን እንድንረዳ ነው። እግዚአብሔር እራሱን ለኛ የገለጸው፣ በታማኝነቱ ነው፣ ይህንን ስንረዳ፣ በእርሱ ላይ ተደግፈንና አርፈን መኖር እንችላለን።

ኢየሱስ ማን ነው? ሉቃ.5:27-39 ክፍል 9

ሰው ለሚያውቀው ምህረትን ሊያደርግ ይችላል ያም ቢሆን እንኳን ምህረቱ ውስን ነው። የእግዚአብሔር የአምላካችን ምህረት ግን ለዘለአለም ነው። ደግሞም ምህረቱ በሁኔታዎች ወይም በስሜት ላይ የተመሰረተ ሳይሆን፣ ቸርነትና ምህረት ባህሪው ነው። በእግዚአብሔር ቤት ለመኖራችን ዋስትና ምህረቱ ነው፣ በዚህ ብዙ ውጣ ውረድና መከራ በበዛበት አለም፣ ወደ ፊት ለመራመድ አቅም የሚሆነን የእርሱን ፍቅር፣ ምህረቱንና በጎነቱን ሁልጊዜ ስናስብ ነው።

ኢየሱስ ማን ነው? መኃልይ.5:2-9 ክፍል 7

ኢየሱስ ማን ነው? ሉቃ.5:27-39 ክፍል 8

መጠበቅ ቀላል ነገር አይደለም፣ ሕይወትን ወደ ብዙ ውጣ ውረድ ውስጥ የሚከት፣ ብዙዎች አባቶቻችን ተፈትነው የወደቁበትና ጥቂቶች ያለፉበት ደግሞ በረከታቸውን የተቀበሉበት ነገር ነው። በዚህ ትምህርት ውስጥ፣ በተለየ አገላለፅ፣ የእግዚአብሔርን ታላቅ ፈዋሽነት፣ ፈውስን የተቀበለው የሠላሳ ስምንት አመት ታማሚ በመጠበቅ ውስጥ ያለፈባቸው ሁኔታዎችንና አንዲሁም በአካባቢው ያሉትን ሰዎች ባህሪ እናያለን።

በዚህ ትምህርት ውስጥ፣ ከሰይጣን መጠበቅ የምንችልባቸውን አስፈላጊ ዝርዝሮችን ስንማር፣ ከዝርዝሮቹ አንዱ እግዚአብሔርን መፍራት ነው። እግዚአብሔርን በመፍራት ስንኖር፣ የእግዚአብሔር መላእክቶች በዙሪያችን ይሆናሉ የሚያስፈራንና የሚያስደነግጠን ከእርሱ በቀር ምንም አይኖርም ክፉ ነገርም አያገኘንም። በተጨማሪም፣ እግዚአብሔርን ስንፈራ ከሐጢያት ለመራቅ ጉልበት እናገኛለን የአሸናፊነትንም ሕይወት እንለማመዳለን።

ኢየሱስ ማን ነው? ሉቃ.19:1-9 ክፍል 6

እግዚአብሔር በልጁ በጌታ በኢየሱስ ክርስቶስ ሞትና ትንሣኤ ወደ መንግሥቱ ሲያስገባን ሁለንተናችንን ለራሱ ሊያደርግ ነው:: ለእርሱ ልንሆን ነው:: የአማኝ ደስታና እረፍት ለጌታ መሆኑ ነው:: ነገር ግን ለእርሱ ባልሆንበት በግል ደረጃም ሆነ እንደ ቤተክርስቲያን ከክብሩና ከሰላሙ የጎደልን እንሆናለን::

ስለዚህ በጊዜውም አለጊዜውም በማንኛውም ጊዜና ሁኔታ ለጌታ ልንሆን ፈቃዱም በእኛ ሊፈፀም ቤተክርስቲያንም የበረከት የሰላምና የመፅናኛ ስፍራ ልትሆን ይገባታል::

የዛሬ ጥያቄዎች

1. ለጽድቅ ሊሞቱ የተጠሩ ሰዎች አሉ የሚለውን ብታብራራልን።

2. ችግር ሲገጥመን ዝም ብለን ጌታን እያየን መጠበቅ አለብን የሚለው ይብራራልን።

3. ወደ ቅድስና ህይወት ለመምጣት መንገዱ ምንድን ነው?

4. በሰውነታችን ለሀጢአት ህግ መገዛት እና በአህምሮአችን ለእግዚአብሔር ህግ መገዛት ምን ማለት ነው?

5. ለሀጢአት የሞታችሁ ለጽድቅ ህያዋን ናችሁ የሚለው ይብራራልን።

6. ለሰራነው ሀጢአት የህሊና እና የብርሃን ወቀሳ ልዩነት ምንድን ነው?

7. የምንወቀሰውን በክርስቶስ ካላየነው ሀጢአት ይሆንብናል የሚለውን ብታብራራልን።