Being a light in this world.

ጌታ ኢየሱስ የሰጠን ሰላም የማይናወጥ አእምሮን ሁሉ የሚያልፍ ሀሳባችንን የሚጠብቅ ሰላም ነው፤፤ አእምሮአችንን የእግዚአብሔርን ቃል በማንበብ በማሰላሰል እለት እለት ማስለመድ አለብን

ሁሉን ለጌታ የሚተው ትግስተኛ ሰው ነው፣ የመታገስ አቅም ያለው ሰው ነገርን ሁሉ ለጌታ የተወ ነው፣ ሰው እንደመሆናችን ነገርን መለወጥም ሆን መሸከም እንደማንችል በመረዳት ለመንፈስ ቅዱስ እውቅናን በመስጠት ፈቃዳችንን ለጌታ ስናስገዛና አለን የምንለው ጌታ ብቻ ሲሆን ነገራችንን ለጌታ ለመተው ብዙ አንቸገርም፣

እግዚአብሔር ቀናተኛ አምላክ ነው በሙሉ ሀይላችን እርሱን ስንታመን ደስ ይለዋል ምንም የለኝም አንተ አለኃኝ እሚያየኝ የለም አንተ ታየኛለህ የሚሰማኝ የለም አንተ ግን ትሰማኛለህ እንድንለው ይወዳል፤፤ አይኖቻችን በእግዚአብሔር ላይ ብቻ ሲሆኑ እግሮቻችን ለመናወጥ አይሰጡም

የዛሬ ጥያቄዎች

1. 1ኛ ሳሙኤል 9፡7 ሳዖል አህይ ፍለጋ ወጥቶ እግዚአብሔር በሚገኝበት ሥፍራ እንዲገኝ አድርጎታል ይህ መንፈስ ቅዱስ በሚመራበት ወቅት በህይወታችን ሊከናወን ይችላል?

2. የተለየን ቀን ልንስተው እንችላለን ወይ? ከሳትንስ ምንድን ነው ማድረግ ያለብን?

3. ችግር ሁሉ ወደ እግዚአብሔር ማቅረቢይ ነው?

4. በዚህ ዘመን በልጆቻችን ላይ ምንድን ነው ማድረግ ያለብን?

5. ደካማ ሰው ሁልግዜ ተበቃይ ነው ጥበበኛ ሰው ግን ነገሩን ይንቃል በዚህ ውስጥ የበቀል ምኞት፣ የበቀል ጸሎት አለ የሚለውን ሀሳብ አብራራልን።

6. ትጋትና ኑሮዬ ይበቃኛል ማለት እንዴት ነው ወደ ህይወታችን ማምጣት የምንችለው?

7. 2ኛ ተሰሎንቄ 3፡3 “ነገር ግን የሚያጸናችሁ ከክፉም የሚጠብቃችሁ ጌታ የታመነ ነው።” የሚለውን ሀሳብ አብራራልን።

የዛሬ ጥያቄዎች

1. በመንፈሳዊ ነገር ያደገ ሰው ያለውን ነገር ሙሉ በሙሉ ለጌታ የሰጠ ሰው አንዳንዴ ወጣ ገባ ሊል ይችላል ወይ?

2. በመንፈስ ካልታመንኩ ሰው የነገረኝን ሚስጥር መሰወር አልችልም ወይ?

3. የራስ ሸክም መንፈስ ቅዱስ ከሚሰጠው ሸክም ምንድን ነው ልዩነቱ?

4. ያደገ ሰው የእግዚአብሔር እውነት የእርሱ የሆነ ሰው ነው። የእኔ የእድገት ደረጃ እውነት ከሆነልኝ ነገር ነው የሚወሰነው ማለት ነው? ይህስ መረዳት ስለ ጌታ መረዳት ነው ወይ? በህይወቴ በሚሆነው መረዳት ይቻላል ወይ?

5. ወላጆች ሳይሆኑ ልጆችን የሚየሳድጉትን ምን ማድረግ እንዳለብን ብትመክረን?

የክርስትና ህይወት የውትድርና ህይወት ነው፣ ሁልጊዜ እራሳችንን በፊቱ እየመረመርን መንገዳችንን ልናነጻ ይጠበቅብናል፣ በንጽህናና በቅድስና ለመኖር ስንወስን ደግሞ ፈተና የለብንም ማለት ሳይሆን ነገር ግን እኛ ሃጢያተኛ እንደሆንን እና እርሱ ጌታ ብቻ ጻድቅ እንደሆነ በማመን በሙላት ህይወታችንን እንዲመራ ስንፈቅድለት ምድራዊው ፈተና በፊታችን እነደ ትቢይ ይሆናል፣

በእግዚአብሔር መንገድ ላይ ስንሆን፣ እርሱ እኛን በሚያገኝበት እኛም ለእርሱ በምንገኝበት ያደርገናል።በመንገዱ ስንሆን በምንም አንታለፍም።ከእኛ ያልሆነ ጥንካሬና ጉልበት ይሰጠናል።በመንገዱ ላይ መሆን ማለት በጉብኝት ቀናችን ላይ መሆን ማለት ነው።የመዳን ቀን ማለት እርሱ በሚያልፍበት ቀን የተገኝንበት ቀን ነው። በዚህ ትምህርት ውስጥ ይህንን በጥልቀት ያስተምረናል።

በጊዚያዊ መከራዎች ውስጥ ስናልፍ መታከት የለብንም። ምንም የውጭው ሰውነታችን በብዙ መከራ ቢጎዳ የውስጥ ሰውንታችን ግን ዕለት ዕለት ይታደሳል። በዚህ ክፍል ውስጥ በህይወታችን እንዳንታክትና ክርስቶስ በህይውታችን እንዲገለጥ ምን መሆን እንዳለብን በሰፊው ያስተምረናል።

ዳዊትና ሌሎችም በመጽሀፍ ቅዱሳችን ውስጥ ብዙ የእግዚአብሔር ሰዎች በጭንቅ በመከራና በማይወጡበ ሁኔታ ውስጥ ሆነው ግን እግዚአብሔርን በመታመን እንዴት ከነበሩበት ያለቀና የተቆረጠ ነገር ውስጥ ጌታ ደርሶ እንደታደጋቸው ተጠቅሷል፣ ዛሬም እኛ የክርስቶስ ተከታዮች የምንሰማውና የምናየው ደስ ባያሰኝ የታመንነው ቢከዳን ዙሪያችን በሚሆነው ሳንወሰድ ባለመታወክ ጸንተን ጌታን መጠበቅና ልባችንን ጌታ ፊት ማፍሰስ ይገባናል ምክኒያቱም ረድኤታችንና መታመኛችን እርሱ እግዚእብሔር ብቻ በመሆኑ፣