Chest il teme de mostre che si pues visitâ fintremai ai 8 di Zenâr, cun ingrès sore nuie, tal palaç Mantiche a Udin. Une iniziative nassude de colaborazion tra il Comun di Udin, la Societât filologjiche furlane e la Associazion dai Consorzis di bonifiche dal Friûl-Vignesie Julie, pe ocasion dal centenari de bonifiche. A son 60 i elements che a son in esposizion.

Scree cussì, che sabide ai 3 di Dicembar e à viert al public la gnove sede di Udin, in vie Pradaman. Une ocasion speciâl par un incuintri che al à viodût presints il scritôr Pregelj, il tradutôr dal romanç, Michele Obit, l’interprete Peter Senizza e le atore Monica Mosolo che e à let cualchi cjapitul dal libri.

Sudri, la Cjargne e il Friûl-Vignesie Julie a son al centri de atenzion mondiâl par dutis lis fiestis di Nadâl, in graciis dal presepi maraveôs che il Comun al à regalât al Pape e che dai 3 di Dicembar al è in place Sant Pieri, dongje dal arbul. E je une nativitât cun cetancj simbui, a partî de scune dal Signôr, gjavade fûr intune lidrîs di len che al è stât savoltât de tampieste Vaia che à sdrumât cetancj boscs ancje in Cjargne.

No son mai stadis svegradis, e a son tignûts dome cun operazions di sfalç. Chestis formazions a jerin un element une vore comun dal paisaç de planure furlane prime che la difusion des coltivazions unichis agriculis e la urbanizazion lis fasessin disparî.

E cjape dentri une vore di sogjets che a lavorin par mantignî vivarôs, curiôs e inovatîf il Friûl, compagnant i letôrs dì par dì dilunc dut un an. Tantis lis rubrichis, dal multiculturalisim di Triest e Gurize al lengaç des rosis, dai sorenons dal pordenonês ai oracui, fintremai a biografiis preseadis: chês di Attilio Maseri, pre Antoni Foraboschi, Gianfranco Plenizio e Italo Bearzi.

Intal an dal centenari dulà che a Pier Paolo Pasolini i son stâts dedicâts events e mostris par dute Italie e tal forest, fin cumò nol jere stât fat nissun omaç cu la esposizion complete dai manifescj dai siei films. Cheste mancjance le comedin il Comun di Glemone e la Cineteche dal Friûl cu la mostre in program fin ai 10 di Avrîl, vierte la sabide e la domenie.

Une presidence impuartante, e ancjemò di plui in chest mandât, par vie che a saran lis olimpiadis invernâls. Al è in cheste suaze che l'assessôr regjonâl dal F-VJ aes politichis agroalimentârs e forestâi, Stefano Zannier, al è deventât president. Obietîf de Fondazion al è di gjestî e coordenâ il ben de Unesco, ven a stâi 9 sistemis di mont separâts tra lôr di flums e di spicis.

Lis aventuris di Barbe Nadâl e de Befane, un spetacul gustôs par dute la famee, ma ancje il conciert di Nadâl cu la orchestre dai zovins filarmonics furlans. Al è ce che al propon il Comun di San Zorz di Noiâr par chescj ultins dîs che nus separin dai 25 di Dicembar, intune logjiche di condivision e partecipazion de comunitât de Basse Furlane.

Une profession un grum specifiche ma che par chê cumò al esist un cors di formazion a gratis di 400 oris, dulà che a son previodudis 160 oris in aziende. E po… il puest sigurât. La iniziative e je peade ae aziende Art Cart. Lis robis a stan lant benon e tal 2023 e varà di assumi un pôc di personâl. Cussì e à pensât di formâlu di pueste, in cubie cu la Regjon e la cooperative Cramars.

A saran 73 lis scuelis de infanzie e primariis che e parteciparan al concors numar 18 presepis "Un Nadâl di pâs" (34 pe prime volte), biel che al va sù a 167 il numar dai puescj inserîts tal "Zîr presepis F-VJ, cun 90 Comuns cjapâts dentri e 2100 Nativitâts in esposizion. A son chescj i numars principâi di "Presepi Fvg", une tradizion autentiche de nestre regjon, in cressite an par an.