Mil cent e novante enolics, il numar plui alt rispiet a chês altris universitâts talianis e un gnûf troi di formazion daspò de lauree in Gjestion de filiere vitivinicule. Tra lis carateristichis unichis de formazion furlane, la internazionalizazion fuarte, la percentuâl impuartante di students che a rivin di fûr regjon e il fat che i laureâts a cjatin subit lavôr.

Al è nassût intal 2009 tant che un spazi par grups e musiciscj che a cjantavin intune des lenghis minorizadis de zone alpine e dal Mediterani. Vuê al è un lûc di incuintri e di confront des miôr produzions artistichis in lenghe minoritarie su scjale europeane. Suns, ma ancje cine e tescj leteraris che a esprimin, cun visions e peraulis, identitâts esistentis e resistentis.

Par meti dongje la domande cu la ufierte, si da apontament ai 15 di Dicembar, cuant che i curriculum selezionâts dal Servizi dal assessorât al Lavôr a saran cjapâts in man des aziendis che a incuintraran ancje i aspirants lavoradôrs. Si domandin eletriciscj, idraulics, esperts di sieraments, manutenzion eletromecaniche, operaris, comès e piruchîrs.

Joibe ai 8 di Dicembar lis stradis dal centri di Acuilee si animaran pal marcjât tradizionâl Aquileia d'inverno, che chest an al rive ae sô edizion numar 27. Pes stradis dal centri a cjataran puest bancs cun prodots artesanâi di Nadâl o lis produzions artesanâls dal teritori. A saran tancj i bancs cun prodots enogastronomics dal Friûl-Vignesie Julie e de Slovenie.

Tes cooperativis dal Tierç setôr al mancje il personâl, no cate che in chescj agns al sedi stât un sfuarç di tancj sogjets par promovi percors di formazion. Al è preocupât il president regjonâl di Federsolidarietà dal F-VJ e dal Consorzi des cooperativis sociâls Il Mosaic, Luca Fontana.

Al è il 1420, il Patriarcjât di Acuilee al è stât batût dai soldâts di Vignesie comandâts dal cjapitani Tristan Sorestan, mercenari paiât de Serenissime. Cussì i contadins furlans si cjatin a jessi sotans, sometûts. Tra chescj al è Malacarne che, par no bandonâ la sô tiere e riscatâsi, al acete di deventâ servidôr di Pantalone, marcjadant di Vignesie che al finanzie la imprese.

Chest, in struc, il sens dal Contrat di flum pe roie dal Roiel, sotscrit dai Comuns di Udin e Pradaman, dal Consorzi di bonifiche de planure furlane, di Legambiente Fvg e dal Comitât “Amici del Roiello”, il grup di volontaris che a àn sburtât par che il progjet al partìs e al rivàs fintremai a chest pont.

Il prossim apontament dal festival musicâl tra i confins, organizât dal Gruppo Area di Ricerca Dobialab di Staranzan, al sarà vinars ai 9 di Dicembar, a Gurize, cu la esibizion di doi gnûfs cjantautôrs di tiere di confin: il cjargnel Massimo Silverio e il sloven Borja Bolcina.

A son i prins manuâi par imparâ la lenghe e la culture furlane te scuele primarie, realizâts su iniziative de ARLeF. I manuâi a introdusin il curicul di/in lenghe furlane tal percors didatic tradizionâl, chest cence dismenteâ la dimension plurilengâl. I volums a son furnîts a gratis e duncje, ae fin dai ciclis di scuele, a restaran aes fameis dai arlêfs.

Al met a dialic scrits di pre Toni Beline e di Agnul Floramo su Pier Paolo Pasolini. I prins a son jessûts inte “Trilogjie tormentade” tal ’95 e i seconts inte rubriche “Cjant e Discjant” de Patrie tal 2022. Interviste al diretôr dal mensîl furlan indipendent Walter Tomada e a Dree Valcic, gjornalist e promotôr atîf de identitât furlane.