Al è chest il sproc dal progjet inviât de associazion «Io ci vado» cul jutori de Regjon e in particolâr di PromoturismoFvg. Par il moment al è unic in Italie che al à voie di proponi itineraris che a son pensât par ducj, in gracie de tecnologjie, de inovazion e de poie dal teritori. Une prime sperimentazion a partirà a Vile Santine e a Manià. Dentri di Nadâl, po, un sît Internet al permetarà di jessi inzornât su la prosecuzion des mapis.

Une manifestazion che e lee la spiritualitât de spiete dal Nadâl cu la vite di mont e lis bielecis dal paisaç, tra la fin de Sierade e il principi dal Invier.

Tantis lis propuestis intun clime di pâs e magjic, condividût de int de valade e dai tancj ospits che a van di pueste par vivi une esperience rinovade.

Al è l'obietîf che al intint di promovi la associazion pe tierce ricostruzion, che e je vuidade dal professôr de Universitât di Udin Sandro Fabbro e e à president onorari Giorgio Santuz. Tra lis iniziativis resintis, un studi e un confront par sburtâ a produsi in autonomie la energjie che nus covente par vivi.

La sene de prose par furlan cun atôrs reâi e ancje chê cun personaçs - no mancul reâi – fats di len, di stofe e di fii, cuntune serie di iniziativis tai mês di Novembar e Dicembar. Interviste a Daniele Copetti su la rassegne teatrâl furlane al Teatri Ristori e a Michele Polo su lis iniziativis dal Centri Internazionâl Vittorio Podrecca.

La sô origjinalitât e sta tal fat che lis figuris a son piçadis e a son a grandece naturâl, oltri al fat che l'ideadôr, Alessandro Serena, al è invidât artesans, sore il dut zovins, a realizâ lis figuris, tant che ocasion par sperimentâ la sô art e vê ancje une vetrine par il sô lavôr. A movi dute la imprese e la associazion culturâl Imago Musiva.

Al è rivât ae edizion n. 43, un numar une vore impuartant, e lis premiazions a son stadis fatis in ocasion de storiche fiere di Codroip. Interviste al vicesindic Giacomo Trevisan e al vincidôr de sezion romanç dal concors Gianluca Franco.

Il Centri culturâl Ildegarda al à inmaneât a Manzan un incuintri stant che si svicine la dade dai 25 di Novembar, Zornade mondiâl cuintri la violence su lis feminis. L'intindiment al è chel di dai lis informazions che a coventin par fâ in maniere di no scugnî acetâ la violence: informazions sei psicologjichis, sei normativis, e ancje savê che fasint, par esemplis arts marziâi, si è tal câs di difindisi de violence.

E je la cuinte publicazion dal scritôr cjargnel di Verzegnis, un libri tra autobiografisim e fantasie, un scrit di formazion passionant che al trate di introspezions, sintiments e animis che si incuintrin dentri di un percors di cressite personâl. Di chest, dai siei interès e dai siei scrits tal cjamp de leterature e de storie, o fevelìn cul autôr Tobias Fior.

E je stade clamade a fâ part dal Comitât nazionâl che al à di dâ une valutazion sui efiets des riformis te publiche aministrazion inmaneadis dal Stât par centrâ i obietîfs dal Pnrr, il Plan di riprese e resilience che al puarte ancje in Italie e in Friûl tancj bêçs europeans.

Realizât di bande de Associazion Corâl Polifoniche di Montreâl, scrit di Giuseppe Mariuz e musicât di Maurizio Baldin, cu la partecipazion dai atôrs Fabiano Fantini, Roberto Pagura, dal sopran Maria Giovanna Michelini, de Orchestre Filarmonics Furlans e de Corâl di Montreâl sot de regjie di Fabio Scaramucci.