I belançs des piçulis cooperativis di consum a son in pericul, par vie che a son strents tra l'aument des boletis di energjie e gas (ancje dal 92 par cent di un an a chel altri), dai prodots ae origjin e dal vignî al mancul, in forme significative, di cui che al compre.

I apontaments, fin ai 3 di Dicembar, si organizin tra cjaminadis spirituâls, visitis a glesiis e lûcs antîcs e concierts, e si pein cu lis ufiertis culturâls dal moment, tant che “I Concierts di San Martin in Cjargne”. Une iniziative leade ai pelegrinaçs e al turisim religjôs, organizade di Carnia Greeters. Interviste al president Paolo Querini.

Si vierç doman a lis 9, in linie, e po al va indevant in presince sabide, alì dal Teatri Giovanni da Udine, la decime otave edizion dal Festival dal Lavôr, pensât e inmaneât di Alig, la Associazion dai inzegnîrs gjestionâi par fâ incuintrâ ae svelte domande e ufierte. 80 aziendis a àn metût a disposizion 890 puescj. No dome di inzegnarie, si capìs.

Un concors di nomee, simpri plui partecipât, che al ufrìs ancje des lezions speciâls, chest an tignudis di un musicist di fame mondiâl tant che Steven Mead, che lis iscrizions a son viertis. Un progjet firmât Euritmia, realtât storiche dal mont des bandis furlanis. Interviste ai membris de associazion: Lorenzo Merluzzi e Filippo Molinari.

La Cjargne e je simpri di plui un lûc di Alte Formazion: lu testemonee ancje il gnûf cors imbastît dal Istitût tecnic superiôr Malignani che, in cubie cun Carnia Industrial Park, al à inviât i doi agns par deventâ Energy Specialist, ven a stâi espert te progjetazion e manutenzion di implants di energjie.

La Pro Loco da lis Vals Dal Nadison / Nediske Doline e invide ducj a cognossi il so teritori, ancje dilunc chest periodi, tra percors a teme, ativitâts e visitis culturâls, cundivisions di savees par dutis lis etâts. Interviste a Mario Midun, clamât il "pastôr filosof" de pro loco VDN Nediske Doline.

La cuistion e rivuarde il gnûf rapuart che si à di meti adun fra il doprâ il celulâr e il computer a scuele par lei, scrivi, fâ lis verifichis e no doprâlu par monadis o, piês, par fâ alc che al è cuintri de leç. Un teme, duncje cun dôs musis. Cemût si saltial fûr?

Al è il lassit di plui di cinc mil volums di une studiose esemplâr de storie economiche furlane e no dome: Luciana Morassi, che nus à lassâts tal 2015. Di cheste grande ereditât vierte a ducj, o cjacarìn cul president di Cjase Cocel Elia Tomai e cul professôr Rienzo Pellegrini, espert di lenghe e leterature furlane, om di Luciana Morassi.

Il Centri al ufrìs une poie dal pont di viste psicologjic, fisic e economic intun moment di mudament sedi pe persone che pe cubie. Cun di plui, di cualchi setemane, e je ative une gnove cjase, alì de ex canoniche de parochie di Sant Josef a Udin, ae presince di une ventine di volontaris, dal sindic, dal vescul, dal president dal Moviment pe vite e dal presidente dal Istat

Al è chest il spirt che al sburte la ativitât dal centri di racuelte solidari des medisinis in viâl des Ferieris a Udin, metût sù di volontaris, tra chescj ancje miedis e farmaciscj, dutun cul Banc farmaceutic e la associazion Ali. Se si rive adore a vê medisinis in graciis de atenzion di tante int, cumò e je cjaristie di bêçs par mandâ chescj prodots tai lûcs di destinazion.