Risultât di un grant confront tra Regjon e Consulte regjonâl des associazions des personis cun disabilitât, la norme e promet rispuestis justis e concretis ai disabii e aes lôr fameis.

Ospit: Elvio Sgrazzutti, Comitât di coordenament di Udin associât ae Consulte regjonâl dai disabii

La rassegne dedicade ai passionâts dal strument a soflet e torne pe setime edizion a Tarcint, domenie ai 30 di Otubar inte Sale Margherite, in graciis dal al Grup Armoniciscj di Tarcint cu la direzion artistiche dal musicist e composidôr Massimo Pividori. Ospit internazionâl di chest an al è Petar Maric, armonicist de Serbie ricognossût tra i massims virtuôs de gnove gjenerazion. Interviste a Massimo Pividori.

Par vie dai cambiaments climatics, ma ancje de mancjance di programazion, i nestis teritoris a domandin soluzions e rispuestis gnovis par rivâ a garantî un sisteme des aghis eficient, eficaç e sostignibil. Ospit: Rosanna Clocchiatti presidente Anbi - Associazion nazionâl des bonifichis, des irigazions e dai mioraments fondiaris dal Friûl-Vignesie Julie

Un comitât nassût par memoreâlu al è daûr a fâ tantis iniziativis sul so cont che a meretin di jessi contadis. Daûr de disco, e torne ancje la gnove edizion di Ceghedaccio, propite vuê, vinars ai 21 di Otubar, la fieste de musiche dai agns ’70 ai ’90 al Ente Fiera di Martignà. Interviste al president dal comitât par Robert Miles Alessandro Ditta e al dj e organizadôr di Ceghedaccio Renato Pontoni.

A pît, in biciclete o in canoe, dilunc dai percors a vegnin aprofondîts 90 ponts di interès, tra nature, storie, culture, tradizions, cul jutori di tecnologjiis inovativis e multimediâls.

Ospite: Ilaria Cescutti, Cjase des paveis di Bordan

I mês di Otubar e Novembar, par une programazion che e va indenant fin a Març dal 2023, a proponin spetacui a Çopule, Feagne, Manià, slargjantsi cun altris apontaments ancje a Cjasarse, San Denêl e Spilimberc. Il teatri par fameis e zoventût, cun tantis novitâts, al è une formule vincente. Interviste al diretôr artistic Roberto Pagura.

Prospetivis futuris e pussibilitâts di cressite des comunitâts linguistichis, ancje intune otiche di un disvilup economic regjonâl; coinvolziment dai zovins; rapresentance politiche. Argoments che si discutaràn ai 21 di Otubar, a Udin, inte taule taronde pe promozion e valorizazion des minorancis linguistichis dal Friûl-Vignesie Julie.

Ospit: William Cisilino, diretôr Arlef

Le mostre di art contemporanie e je metude adun da Cjase Cavazzini di Udin, intun dialic virtuôs tra artistis e artiscj de Regjon Friûl-Vignesie Julie cul patrimoni storic e artistic de colezion udinese. Dîs creadôrs di cumò si metin in relazion cun dîs oparis di art dal passât. Une mostre vierte fin ai 23 di Otubar. Interviste ai artiscj Loretta Cappanera e Michele Bazzana.

Une oportunitât concrete pai fruts e i fantats che a frecuentin l’onicomprensîf Bachmann di Tarvis, no dome par cognossi lis lenghis dal lôr teritori, ma par deventâ a ducj i efiets citadins europeans. Al rapresente il ricognossiment di un percors puartât indenant di decenis intes scuelis dal teritori.

Ospit: Laura Zanella, mestre dal onicomprensîf Bachmann

Il cjantautôr Franco Giordani e il poete Aldo Polesel nus contin dal apontament in program vinars ai 21 di Otubar a Cordenons, cul conciert di Giordani e la presentazion dal premi di poesie dedicât a Renato Appi. Nus contin ancje dal “folp”, une variante de lenghe furlane une vore interessante e curiose, e des tantis iniziativis in program di chi al prossim an.