Il cavalîr al torne in Friûl-Vignesie Julie in gracie dal progjet inovatîf “Silk”, finanziât dal Plan di disvilup rurâl. Une rêt di 8 sogjets e je in vore par stimolâ il tiessût sociâl e economic di dute la filiere de culture dai morârs e dai cavalîrs: de produzion de materie prime ae promozion dal consum di un prodot finît. Ospit: Luca Fontana, president Cooperative Thiel.

E je une realtât gnove nassude in favôr de art contemporanie e des contaminazions, condusude di trê zovinis professionistis dal setôr: Michela Lupieri, Rachele D’Osualdo e Eleonora Cedaro, ospite de trasmission. Si cjacare de mostre che e à cjapât rive a Triest, vierte fin ai 16 di Otubar, daspò di une biele aventure espositive tor ator de nestre Regjon.

E je tacade la formazion dai certificadôrs des comissions di esam par atribuî i nivei di cognossince de lenghe furlane, in atuazion dal Cuadri comun european su lis lenghis. I candidâts individuâts a cjapin part al cors cul docent e linguist Sandri Carrozzo par vê, daûr di un esam specific, la certificazion

Un tra i plui grancj rapresentants de piture contemporanie furlane, tai 20 agns de sô muart, il Museu Cjargnel al met in mostre i siei dissens e altris oparis esponudis daûr di un colegament cul patrimoni de fondazion di Tumieç, une vore siôr, volude dal senatôr Gortani.

Al è stât screât il Fogolâr Furlan Great Britain a Welling, comun dal Essex a pocjis miis di Greenwich. Sot de vuide dal president Paolo Pascolo, al è daûr a deventâ un pont di riferiment pai tancj emigrants furlans che a lavorin e si movin ator de capitâl britaniche.

Ospits: Loris Basso, president Ente Friuli nel mondo, e Paolo Pascolo, president Fogolâr Furlan Great Britain

Organizât di Teatro al Quadrato inisiemi cun altris ents e associazions intun grant lavôr di scuadre, si davuelzarà dai 8 ai 16 di Otubar tra Dartigne e Tarcint. Spetacui par piçui e grancj, laboratoris formatîfs e creatîfs, incuintris pes scuelis e tantis altris novitâts par cressi insiemi midiant dal teatri.

Al devente necessari tornâ a pensâ lis organizazions, i modei di gjestion e lis normis par valorizâ la partecipazion des personis intal lavôr e intal marcjât. Al è chest l’obietîf dal progjet di ricercje “Inspire”, che al cjape dentri diviersis universitâts talianis, coordenât de giuslavoriste dal ateneu di Udin Marina Brollo.

Ospit: Marina Brollo, dipartiment di Siencis juridichis de Universitât di Udin

Dai tancj spetacui, sîs a son dentri dal concors e lis compagniis a vegnin di diviersis bande de Italie. Une biele e gnove edizion pal Coletîf Terzo Teatro che al reste un pont di riferiment ancje tal teatri di produzion. Interviste al gjornalist Flavio Vidoni che al è dentri de organizazion.

La ufierte espositive e je largje e diversificade par rispuindi in mût cualificât aes gnovis esigjencis dai visitadôrs, simpri plui atents no dome al biel e a ce che al fâs tindince, ma ancje ae funzionalitât, al sparagn energjetic, al ûs di materiâi e tecnichis che a rispietin l’ambient e la salût.

Ospit: Antonio Di Piazza, president di Udine e Gorizia Fiere

Gjornalist e storic, al presente un studi aprofondît su la vite e la opare di bonsignôr Pietro Cocolin, il prin vescul furlan de arcidiocesi di Gurize. Une liende la sô, plene di fassin e ancje di misteri che Gratton al conte cun grande competence e cun ispezion storiografiche rigorose.