Une pratiche tradizionâl che e tutele la biodiversitât, la iniziative e je inmaneade di OrtoBorto: ort di comunitât, condividût e coltivât intal rispiet de tiere e dal ambient, che al salude la Sierade cun diviersis ativitâts indreçadis ai fruts.

Ospit: Maria Teresa Bortoluzzi, presidente Associazion di promozion sociâl OrtoBorto

Daspò misdì// Itineraria progjet di ricercje e di turisim culturâl al dediche la programazion dal mês i Otubar a incuintris focalizâts sui Tiepolo

Par sparagnâ su lis boletis di lûs e gas no bisugne par fuarce rinunziâ a cusinâ o no doprâ dal dut termosifons e climatizadôrs. Cualchi volte al baste vê piçulis atenzions par ridusi i consums e slizerî lis spesis. La peraule ai esperts de Agenzia per l’energia dal Friûl-Vignesie Julie, cuntune voglade aes strategjiis pal futûr.

Ospit: Davide Chiapolino, Agenzia per l’energia dal Friûl-Vignesie Julie

Il Palaç al è la sede de esposizion permanente che e met in biele mostre la colezion di art dal Nûfcent e contemporanie dal imprenditôr e mecenat furlan Giancarlo De Martiis. Ducj i lunis dal mês di Otubar, si podarà usufruî di visitis vuidadis cun esperts. Interviste ae vuide Alessandra Tondon.

La evoluzion des societâts umanis e je leade a strent ae disponibilitât di materiis primis:al è chest un dai mûts che la storie gjeologjiche di un teritori e influìs su la storie des sôs comunitâts, condizionant i insediaments umans e i moviments tra popui.

Disparît ai 16 di Setembar ae etât di 87 agns, storiche vôs de Rai dal F-VJ, rafinât pensadôr e inteletuâl, di lui si ricuarde la grande inteligjence e il râr spesôr morâl. A ricuart di lui intune pontade dedicade, tra ricuarts e testemoneancis, si varà il plasê di sintî dialogâ il critic d’art Vittorio Sutto e l’artist Gianni Borta che lu an ben cognossût.

Une esperience formative uniche, une vore utile cjalant al futûr dal lavôr intal setôr aeronautic dai arlêfs de scuele. Mai prime di cumò al “Malignani” al jere stât impiât un motôr a reazion. OSPITS: Nicola Foschia, docent Istitût “Malignani” – Ivan Cedermaz e Cristian Lotti, arlêfs dal bieni post diplome Istitût tecnic superiôr “Malignani”.

Ativitâts didatichis cun laboratoris pai fruts, concierts e spetacui, zîrs in bici e in barcje, une iniziative promovude de Associazion Canoa di San Zorç insiemi cun diviersis altris realtâts. Interviste al president dal ent promotôr Luca Scaini, al armonicist Paolo Forte e a Tomâs Sione de Onlus Damatrà.

“Oscar Green” al è il premi talian che al promôf la agriculture di cualitât, sostignibile, che e sa coniugâ tradizion e inovazion. Ai 9 di Setembar, a Udin, inte suaze di “Friuli Doc”, si cognossaran i nons dai progjets vincidôrs in regjon. OSPITE: Vanessa Orlando, Coldiretti Friuli-Venezia Giulia par Giovani Imprese

Un concors di cjant e di cjançons, tra covers e inedits, cun dodis finaliscj compagnâts di une band che e sunarà dal vîf, judicâts di une jurie di esperts. Interviste al president dal Grup folcloristic di Passons Marco Cuttini e a Andrea Picogna, mestri de Bande di Passons, associazions che a àn organizade la manifestazion.