E je cheste la idee ae fonde de manifestazion che si tignarà ai 10 e ai 11 di Setembar in dute Italie. A saran 5 lis realtâts che si podaran visitâ in Friûl-Vignesie Julie. In program cercis e visitis vuidadis. OSPIT: Giuseppe Zoff, titolâr de Fattoria Zoff.

Cu la vuide speciâl, il diretôr de Fondazion e archeolic Cristiano Tiussi, la pontade e je dedicade ai ultins doi incuintris vuidâts in program tal mês di Setembar. Interviste al diretôr Tiussi tra archeologjie e atualitât.

Inte plui part dai câs la infezion no da sintoms, ma in personis anzianis o cun alterazions dal sistemi imunitari e pues puartâ a une forme grave de malatie. I conseis dal espert par difindisi dal infet. OSPITS: Manlio Palei, diretôr dal Servizi Prevenzion, sigurece alimentâr e sanitât publiche veterinarie de Regjon Friûl-Vignesie Julie.

Un program vivarôs cun tancj ospits e concierts dedicâts ae musiche improvisade che al vignarà contât intant de pontade. Interviste a Glauco Venier che al vierç il festival cuntune dediche a Tom Waits, a Matteo Mosolo e a Flavio Zanuttini che a saran i protagoniscj di un conciert ispirât a Charles Mingus.

Tra lis sôs ativitâts, il sportel e propon incuintris di sensibilizazion e informazion sul teme de violence di gjenar, ancje intes scuelis. Dai 7 di Setembar al tache il laboratori gratuit “Ri-cucire i sentimenti”. OSPIT: Rosi Toffano, presidente de Associazion ZeroSuTre

Persone di râr inzen e fantasie, al leve vendint la sô marcjanzie tra il medi e il bas Friûl cul so cjaruç e cul so mus che si puartave simpri daûr. Il progjet “Jacum 100” lu à benon memoreât dilunc dut l’an de ricorence dal so trapàs. Interviste al diretôr de testade “Il Friuli” Rossano Cattivello e al professôr de Universitât dal Friûl Matteo Venier.

Dal fâ la doce di corse al bagnâ lis plantis cu la aghe doprade par lavâ pomis e verduris. Pocjis e semplicis regulis pal ûs e pe gjestion responsabile de risorse idriche, simpri buinis, ancjemò di plui in chest moment. OSPIT: Giovanni Valle, vicepresident Cafc

Voltât in marilenghe di Stefano Montello, ospit de trasmission, di une conte par talian di Pietro Spirito, il test si presente tant che une ocasion e une buine azion di promozion linguistiche leade al teritori, par furlans e par forescj. Interviste a Montello e a Eros Cisilino, president de ARLeF.

Cuale part puedino zuiâ i teritoris e lis impresis des tieris altis intai procès di disvilup, devant des sfidis dal dì di vuê? Ospits: Maurizio Ionico aministradôr unic de imprese sociâl Melius e fondadôr di Innovalp.tv, e Vanni Treu, soci fondadôr Cooperative Cramars di Tumieç.

Il fondadôr e president onorari de Societât Tolkeniane Taliane Paolo Paron, espert di ponte dal scritôr e glotolic britanic J. R. R. Tolkien, al conte il program di cheste 27e edizion e altris sugjestions leadis aes contis furlanis.