Il sut sprolungjât che al à segnât l’an, al influirà su la cuantitât cuntun câl de produzion stimât ator dal 10/15 par cent, ma la cualitât no sarà metude in discussion. Ospits: Alessandro Dal Zovo, diretôr Cantina produttori Cormons e Stefano Trinco, president Consorzio Doc Friuli.

I doi aventurîrs a àn cussì segnât il primât di tocjâ i cuatri ponts cardinâi plui estrems dal continent european in Vespa, su lis lôr mitichis dôs ruedis, puartant simpri cun lôr la bandiere dal Friûl. La interviste ai doi vespiscj furlans Denis Ciani e Edi Fadelli.

In program, dal prin ai 3 di Setembar, monitoraments e diviers events par rifleti suntun futûr sostignibil e su stîi di vite plui misurâts. Ospits: Sandro Cargnelutti President Legambiente Friûl-Vignesie Julie e Mario Di Gallo Legambiente Friûl-Vignesie Julie.

Apontaments inedits dedicâts a Pier Paolo Pasolini presentâts daûr di une vision retrospetive par nuie scontade. “Un paîs no me” al è il titul di cheste edizion che e propon video inchiestis, spetacui di teatri, musiche e incuintris di art. La interviste al diretôr artistic Federico Rossi e ae critiche leterarie e gjornaliste Martina Delpiccolo.

I prins risultâts dal scandai, in cors ancje inte comunitât autonome basche, a son stâts presentâts te Scuele di Avost a Aplis di Davâr, inmaneade di Docuscuele: un moment di riflession e di programazion dai obietîfs pal an scolastic su la puarte. Ospits: Ada Bier ricercjadore ae Universidad del País Vasco e Eros Cisilino, President Arlef

Il progjet inmaneât de Societât Filologjiche Furlane al previôt trê dîs di formazion cun docents esperts e tantis ativitâts. Interviste ae curadore Antonella Ottogalli e al formadôr Fabio Boltin.

A son passâts 20 agns dal prin campus par fruts cun problemis respiratoris, 10 dal inviâsi de terapie intes ex minieris di Rabil, 5 di chel de terapie forestâl a Fusinis e intes Vals dal Nadison. I aniversaris des ativitâts a saran celebrâts dilunc di une cunvigne sul benstâ intes stazions alpinis. Ospit: Mario Canciani, president Associazion Alpi

Al à rivât ae seste edizion e a un grant sucès di public pe delicatece e la singolaritât dal stîl e pal incjant dal contest adriatic e mitteleuropean contât. In “Viaggio alle Incoronate”, publicât di Santi Quaranta, Hans Kitzmüller, gjermanist, tradutôr e scritôr, al va su lis olmis dal nono materni Vittorio Ciconi fin aes isulis dalmatis.

Chest al è dome cualchidun dai risultâts plui impuartants otignûts di "Cantiere Friuli", progjet inviât aromai cinc agns fa de Universitât dal Friûl insiemi cu la Regjon, i ents locâi, lis impresis, lis associazions e i students. Ospit: il prof. Mauro Pascolini delegât pal retôr de Universitât dal Friûl par “Cantiere Friuli”.

Fin de fondazion intal 1874, la Societât Alpine Furlane e à vût tant che obietîf pandi la culture de mont. Intai agns lis ativitâts a son deventadis simpri plui numerosis e vuê, di là di scjaladis, escursions e iniziativis di divulgazion sientifiche, la SAF e propon musiche e teatri par grancj e fruts intai siei ripârs storics cu la rassegne “Mont, ce spetacul!”.