Doi events impuartants par l’Istât dal tarvisian e de Valcjanâl. Il "No Border Music Festival" al tache ai 22 di Lui e al va indenant fin ai 13 di Avost. "Ein Prosit summer edition" al varà doi blocs di datis, tacant cun doman e fin ai 24 di Lui, e po dopo dai 29 ai 31 dal mês. Ospit: Sergio Emidio Bini, assessôr regjonâl al Turisim e aes Ativitâts Produtivis.

Di grant realisim, no cence pontis satirichis e mataranis, al è calcolât il cjantôr e il pari de leterature furlane. O ’nt fevelìn cul studiôs Rienzo Pellegrini e cul cjantautôr Lino Straulino che, intal 1996, al à musicât lis lirichis dal poete-militâr intun album origjinâl che in curt al vignarà tornât a presentâ, cun diviersis novitâts, intun conciert a Guriz.

I contadins e chei che a tirin sù bestiis in regjon a son pronts a aprofitâ dal PNRR par miorâ il contribût ae transizion energjetiche. Il decret al metarà a disposizion 1,5 miârs di euros par sburtâ i invistiments sui panei e sui capots pai edificis doprâts in agriculture e tal setôr agricul e industriâl. Ospit: Franco Clementin President de CIA F-VJ.

Al è ce che si propon di fâ la otave edizion de rassegne “Fila a teatro” di Molino Rosenkranz, cun spetacui intal viert e intai teatris, e cun incuintris e laboratoris creatîfs in dute la regjon intun percors di svicinament al 2025, cuant che Gurize e Nova Gorica a saran capitâl europeane de culture.

In doi agns lis pierditis a son stadis dal 0,95%, ancje se dal 2009 si son pierdudis il 50% des aziendis di zovins. I numars e dan reson ai artesans che an adatât il lavôr ae emergjence. Dal 2019 al 2021 i artesans dal F-VJ a son stâts 327 in mancul, e il totâl al è di 34.222, il 2,2% de fuarce artesane taliane. Ospit: Graziano Tilatti, president de Confartesanât F-VJ.

Sienziâts, gjornaliscj, artiscj, divulgadôrs, imprenditôrs e docents, e tancj zovins, ospits dal festival "NanoValbruna", rivât ae tierce edizion. Tant spazi al è dedicât ancje chest an a fruts e fantats cuntune schirie di esperiments sientifics apassionants par insegnâ a pensâ sostignibil.

Se di cjans salvadis a ’nd è simpri di mancul, no si pues dî compagn pai gjats, ancje pal fat che in tancj a aprofitin des coloniis felinis par bandonâju. Il comun di Udin e la Aziende Sanitarie dal Friûl centrâl a son impegnâts a cirî di risolvi cheste situazion. Ospits: Pietro Fontanini, sindic di Udin, e Roberto Levan, veterinari dal servizi ASUFC .

Fin ai 4 di Setembar, la rassegne, par cure di Claudio Pellizzari, e invide a rifleti su lis oportunitâts e su lis sfidis pe mont, sui grancj temis dal presint: de crisi climatiche aes migrazions, ae vuere. Ma e vûl jessi ancje une ocasion di scolte, une costruzion di relazions, cuntun voli di rivuart pai zovins.

Al è un gnûf percors di une analisi socioeconomiche dal teritori, par lei cuntun voli diferent lis analisis fatis fin chi, se e cemût che li tieris altis dal Friûl a podaressin permeti che la int lis sielzi par vivi o par tornâ a stâ, contant dopo chestis esperiencis e sieltis di vite. Ospit: Maurizio Ionico, Aministradôr Impresa Sociale Melius srl.

Un progjet pal disvilup sostignibil de industrie agroalimentâr che al met adun 28 ateneus, 5 centris di ricercje e 18 impresis. L’obietîf al è favorî l’adatament ai cambiaments climatics, la riduzion dal impat ambientâl, il disvilup des zonis margjinâls, la sigurece e la tipicitât des filieris.