A ‘nd è stâts inviâts cuatri gnûfs in regjon, o ben la piore cjarsuline e la mîl di marascje te zone dal Cjars, il "pestith" che al è un pestât di râfs ros dal Cjanâl de Ciline e de Val dal Vaiont, e po dopo il "Saurnschotte", ven a stâi un formadi tipic di Sapade. Ospit: Filippo Bier, referent regjonâl dal progjet Slow Food che al tutele la biodiversitât.

E je la ultime tape di une opare costante di sgjâf, ricercje e valorizazion de citât. Aquilee e fo une vivarose colonie romane sot dal Imperi e dopo cûr dal Patriarcjât, siore di storiis e bielecis straordenariis, e dal 1998 e je sot de tutele de Unesco. Gnûfs progjets a interessaran intai prossims mês il so grant patrimoni culturâl.

La iniziative e je stade curade di Federvol FVG e di FISH, in graciis de colaborazion cun Confcooperativis dal F-VJ. Cussì a vierzaran 4 sportei regjonâi, dulà che dutis lis realtâts di volontariât di chenti a podaran vê supuart e informazions, ancje di caratar aministratîf e juridic. Ospit: Luca Fontana, President di Federsolidarietà di Confcooperativis F-VJ.

Une opare inovative, publicade di L’Orto della Cultura, buine di stiçâ la maravee di cui che le lei, in graciis de grafiche inmagante che e acompagne i tescj, plens di curiositâts e di ideis par aprofondî i fats contâts, inserîts inte suaze de storie europeane.

Par chest, il Consorzi al ten simpri di voli la situazion, e je dut câs ancje la volontât di meti adun un studi par individuâ zonis buinis par realizâ bacins artificiâi. Ospite: Rosanna Clocchiatti Pres. Consorzio di Bonifica Bassa Friulana.

Tal ospedâl di Glemone, un centri al promôf intai malâts cronics la ativitât motorie, acompagnade a variazions intal stîl di vite, daûr des liniis vuide de Organizazion mondiâl de sanitât.

Di resint i doi presidents des regjons F-VJ e Venit a àn proponût di meti jù un gnûf protocol di sigurece publiche sanitarie. La propueste e sarès che di fâ i tampons dome a cui che al à sintoms evidents, lassant pierdi invezit dutis lis personis che no àn nissun segnâl evident. Ospit: Gabriele Beltrame, President dal Ordin dai Farmaciscj de Provincie di Udin.

Le componin i mosaics che a insiorin lis jentradis dai implants balneârs, cognossudis tant che “tarondis”, a Lignan Pinede, fats ogni an, sul imprin dal Istât, di un grup di specializants de prestigjose Scuele mosaiciscj dal Friûl. L’ultin tassel al è un omaç al artist furlan Afro Basaldella al bagn 6 – bandiere francese.

Une cene in place grande par celebrâ chest inovâl che al à cambiât une vore la citât. A ducj chei che a decidin di prenotâsi, si ur consee di meti sù alc di amarant, colôr simbul di Palme. Al sarà ancje presentât il progjet "Viaggiare nel Tempo nel Parco Storico virtuale dei Bastioni". Ospit: Luca Piani, Assessôr ae valorizazion dai Bastions dal Comun di Palme.

Il festival al promôf produzions artistichis ricercjadis e origjinâls, mostrant cemût che la diversitât linguistiche in Europe, di là di jessi une ricjece culturâl e un dirit fondamentâl, e sedi ancje une risorse creative inestimabile. Artiscj di Sardegne, Gales, Friûl e Paîs basc a animaran lis seradis dai 7 ai 15 di Lui in diviersis localitâts furlanis.