A son plui alts in confront cu la medie taliane ancje i dâts dai laureâts de magjistrâl. A un an de lauree al va a vore l'85,2% di lôr. Un valôr che al va sù fin al 95% se si considerin i 5 agns daspò de lauree. Chest al è saltât fûr tal rapuart su la cundizion dai puescj di vore dai laureâts, che al declare Udin al cuart puest. Ospite: Carla Fioritto dal Career Center de Universitât dal Friûl.

Di Walter Tomada e publicât di Biblioteca dell’Immagine, al è il libri di un popul, de sô tiere, des sôs cundizions di vite, de sô fede religjose e popolâr, di ce che al è sucedût intai siei milenis di storie, de ere glaciâl rivant in dì di vuê.

A son stâts publicâts i rapuarts sul andament des venditis des cjasis. In F-VJ a son stadis 17.500 lis venditis totâls, numar che no si viodeve di almancul 15 agns. A tirâ il setôr e je la ex provincie di Udin cun 7.784 venditis, un 30,9% in plui dal 2020 e il 23,12% rispiet al 2019. Ospit: Leonardo Piccoli, Vicepresident nazionâl de FIAIP, cun deleghe al turistic.

Chest percors, che al puarte i visitadôrs fin ae maestose Sale Regjine Margarite, dopo 14 agns di progjetazions e di lavôrs al à coronât cussì il sium dai prins esploradôrs, che za intal 1925 a vevin madressût la ambizion di puartâ il public fin a cuasi 150 metris di profonditât.

La mancjance di ploie dai ultins mês no si regjistrave di almancul dîs agns, metint in dificoltât la agriculture, cui Consorzis di Bonifiche che a son obleâts a razionâ la aghe. Il president de CIA F-VJ al à declarât che lis parts in cause a àn pierdût 20 agns cence fâ nuie e che bisugne cjapâ in man la situazion cun urgjence. Ospit: Franco Clementin, President CIA F-VJ.

Al slargje ancjemò di plui i orizonts, al insiore la cualitât des propuestis, al devente festival dai talents zovins, dutune cun afermâts artiscj internazionâi. Cun 43 concierts – fin ai 10 di Setembar – “Carniarmonie” si môf in 35 localitâts diferentis: dai borcs aes glesiis, aes plêfs, ai cjampeis, dai museus aes salis polifunzionâls, ai palaçs.

Il festival si davuelzarà di joibe ai 30 di Jugn cun undis events. A tornaran cussì musiche, cine, teatri e leterature intes lenghis minoritariis dal Vecjo Continent. La anteprime e sarà cu la proiezion dal film catalan "Alcarràs"; il conciert finâl si davuelzarà tal Teatri Gnûf Giovanni da Udine ai 26 di Novembar. Ospit: Leo Virgili, diretôr artistic di SUNS Europe.

Al è il tierç cjapitul intal viaç musicâl dal cjantautôr origjinari di Claut. In “Ressenàl” lenghis, sunôrs e imagjins si metin adun in storiis che a contin la proteste, il dolôr, la memorie, l’amôr, la emigrazion. Giordani, di là dai siei tocs, al met in musiche tescj di Federico Tavan, Barbara Floreancig, Giuseppe Malattia, Aldo Polesel e Rosanna Paroni Bertoja.

L'event, metût adun dal Motoclub Morena, al larà indenant fin domenie: trê dîs dulà che i partecipants a podaran lâ ator pal Friûl tra paisaçs, storie, art, bon bevi e bon mangjâ. Chest apontament al da une oportunitât in plui: cognossi miôr il leam che al met dongje la citât di Udin cu lis motos. Ospit: Antonio Cantarutti, segretari dal Motoclub Morena di Udin.

Di cheste e altris tradizions de gnot magjiche di Sant Zuan, intune cun storiis de Basse, a fevelaran Paolo Paron e Benvenuto Castellarin, ai 23 di Jugn, intal cors di une serade al Parc Gaspari di Tisane, tra musiche, contis e cercis.