Metût adun di Promoturismo FVG in colaborazion cun operadôrs dal teritori, al fasarà in maniere che la int e jentri tal teritori in graciis di vuidis espertis. 5 itineraris par imparâ a cognossi lis esperiencis diretis di vite e di lavôr de int di mont. Ospits: Modesto Nodale, nono di 77 agns, acompagnadôr volontari di Sudri e Bepi Tonon, di Carnia Arte Tessile.

La rassegne e met dongje ai concierts propuestis culturâls che a lein tradizion e sperimentazion tal segn de musiche di cualitât e de ecelence dai lûcs. A son in program 12 concierts, 3 in dì, intes plaçutis e intes calis dal centri storic, escursions in lagune, cercis di prodots enogastronomics e itics a chilometri zero par cure des associazions locâls.

Si fevele di un percors di formazion su identitât, lenghe e culture taliane e furlane des comunitâts di furlans in Argjentine. L'obietîf al è chel di mantignî la braùre identitarie che e caraterize lis zovinis gjenerazions di fiis e nevôts di emigrants talians par che a vedin un interès viers il Friûl. Ospit: Loris Basso, President di Ente Friuli nel Mondo.

Danze, musiche contemporanie e art dal sun, une residence di artist, mostris di arts visivis, laboratoris artistics e sportîfs. Il festival – nassût de dibisugne di contâ il contemporani –al tiessarà leams profonts cui teritoris tocjâts e cul lôr patrimoni naturâl e artistic in graciis di une rêt di colaborazions cun professioniscj e realtâts associativis.

E je partide la ricercje di volontaris par ufrî il servizi di assistence ai ospits, dutun cu la animazion. Duncje une esperience di volontariât e di vite: cui che al è interessât al pues domandâ daurman a Dinsi Une Man, par dopo notâsi par une des sessions previodudis dai 20 di Lui ai 18 di Avost. Ospit: Tommaso Grosso, President de DUM.

Il Piccolo Opera Festival pe sô decime cuinte edizion e propon vincj apontaments, dai 21 di Jugn ai 17 di Lui in Friûl-Vignesie Julie e in Slovenie: dal intermieç baroc al grant repertori liric talian, de scuvierte di gnovis vôs pe opare ae musiche dal cine e un omaç ae capitâl europeane de culture Nova Gorica-Gorizia 2025.

E je stade une matinade cetant siore di aprofondiments su la situazion atuâl e su lis prospetivis di cheste specie animâl, ancje in considerazion dal fat che i lôfs a tornin a stâ ancje in F-VJ. Un zovin esemplâr al è stât viodût ancje des bandis di Forgjarie, cun grande atenzion ma ancje curiositât di ducj. Ospit: Luca Sicuro, President de Cooperative Pavees

L’Ecomuseu al è impegnât di un pieç a valorizâ lis bressanis, riconvertintlis a altris funzions. In program cuatri concierts che a proponaran musichis tradizionâls e popolârs di teritoris diviers, sunadis di musiciscj che a vegnin dal Friûl, dal Venit e de Ligurie. Il prin apontament al è ai 19 di Jugn, al rocul di pre Checo, cu la formazion furlane “Parcè No?”.

Lunis ai 20 di Jugn, daspò de pontade dal dopodimisdì di "Vuê o Fevelin di...", e tache "Cemût si Disial", une striche cuotidiane che e je une lezion par inglês, no leterari ma une vore dongje ae lenghe fevelade, a lis espressions semplicis di ogni dì. Il cjantaudôr cjargnel, dopo vê za fât simpri pe Rai il program "Sunile Social Music", al rive cun chest gnûf formât radiofonic di 5 minûts. Ospit: Doro Gjat.

La vôs dai poetis, la vôs de musiche e il confin, intun teritori traviersât de grande storie, dulà che la contaminazion di doi popui che a son stâts plui voltis unîts e dividûts e je caraterizade a fuart de idee di une frontiere che e cambie, plui gjeografiche che reâl.