E va indenant il lavôr par rivâ a un sisteme di certificazion linguistiche pe nestre marilenghe. Chest bant al previôt la partecipazion a un cors-concors che al ponte a individuâ i certificadôrs des comissions di esam. Il bant al è indreçât a ducj chei che à àn plui di 18 agns e une cognossince otime de lenghe furlane. Ospit: William Cisilino, diretôr de ARLeF.

La storie di Tor di Zuin e scomence intai agns ‘30 dal secul passât cu la autarchie, che e puarte la Snia Viscosa, in chê volte la aziende taliane plui grande dal setôr dai tessii artificiâi, a cirî il mût di produsi celulose tacant di materiis primis talianis. E nas cussì cheste citât aziendâl “di fondazion” che la associazion Pro Torviscosa si impegne a fâ cognossi cun diviersis iniziativis: des visitis vuidadis aes mostris, aes publicazions di libris.

Un complean impuartant, duncje, par cheste associazion nassude intal 1996 in graciis di un grup di gjenitôrs cun fruts cun disabilitât inteletive; une fradaie che di simpri si è spindude e si spint ancjemò vuê par lâ indenant a dâ une man aes personis che a àn plui di bisugne. Ospit: Giorgio Dannisi, pres. Il Melograno.

Svicinâ i zovins al teme dai confins gjeografics e culturâi traviers dal studi de storie e dai itineraris di frontiere che a fasin part ad in plen dal passât de regjon. Al è chest l’obietîf dal progjet “Passi nella storia del Friuli-Venezia Giulia”, ideât de Societât alpine furlane in colaborazion cun Agesci Fvg, la Associazion vuidis e scout talians catolics. Conferencis in rêt e escursions vuidadis sul cjamp a ilustrin i 9 percors storics individuâts.

Une vetrine rivade ae sessantesime edizion cetant impuartante pal setôr de mobilie, che al è di nivel une vore alt in Italie. E sarà presinte ancje une delegazion numerose dal F-VJ, regjon che propit in chest setôr e je cetant preseade cun grandis ecelencis artesanâls. Ospits: Fulvio Bulfoni (La Cividina) e Carlo Piemonte (Cluster Arredo).

Al è vignût fûr “Amore (Fino a prova contraria)”, il gnûf disc di Piero Sidoti, il tierç de cariere dal cjantautôr furlan, che al à vût tancj premis. Cun di plui al è insegnant, atôr di cine e di teatri. L’album al conte i sintiments e lis emozions, al cjante storiis di amôr imperfetis, faladis e maraveosis, ma massime storiis di amôr umanis che a cjatin cjase intun spetacul che al à debutât di resint a Talmassons: une meditazion contade e cjantade sot forme di flabe.

Intun moment come chest, cun dificoltâts soredut tal logâ puescj di vore sedi pes aziendis che pai disocupâts, e in maniere particolâr pai zovins, di Udin e rive une biele storie di lavôr intindût tant che sielte di vite. Dut al è partît cul prin lockdown, cjalant il so vicinant Tommaso che al faseve l'ort dongje cjase. Ospit: Alessio Di Lenardo

Une ricorence nassude prime di dut par ricognossi i beneficis sociâi e ambientâi de bici tant che mieç di traspuart sostignibil e san, ma ancje par celebrâ la semplice gjonde che si prove intal pedalâ. Su la biciclete e cence record di bati, si vîf il mont cun lizerece e libertât. Lu san ben i scritôrs Maurizio Mattiuzza e Paulo Patui, ducj i doi cicliscj apassionâts.

Tra i obietîfs plui impuartants di cheste DOC, metude adun cu la vendeme dal 2016, lis azions par rivâ a vê il ricognossiment dal ministeri e lis ativitâts di promozion di meti adun in tai prossims agns. Si fasarà cussì in maniere di definì miôr cheste DOC che za par so nature a je facilmentri identificabile, cun tant potenziâl atratîf. Ospit: Stefano Trinco.

In chest ambient, aree naturâl protete deventade il paradîs par uciei di diviersis speciis, nassût de azion antighe dal glaçâr dal Tiliment, a vegnin puartâts indevant progjets impuartants par tornâ a introdusi la cicogne blancje e pe tutele dal ibis eremite. La Oasi e je deventade un pont di riferiment ancje pes iniziativis di comunicazion e difusion de culture ambientâl.