Un ricognossiment che a la permetût a le furlane, di Cosean,di partecipâ a le cunvigne anuâl da federazion, là che e a presentât a une comission internazionâl di esperts i risultâts da so ricercje. Un grande sodisfazion par cheste ricercjadore che tutore e va indenant cul so lavôr di ricercje jenfri l'IRC. Ospit : Sofia Melchior

Laboratoris, leturis, spetacui, incuintris e cjaminadis ideadis de Associazion culturâl Servi di Scena a animaran par dut l’Istât il mulin antîc e i spazis dongje, a contat cu la nature, che a pontin a deventâ un centri di produzion culturâl e di residence artistiche, favorint l’incuintri di ints e gjenerazions.

Une iniziative che si zonte ancje a chei atris apontaments za presints a Udin, simpri cun che di valorizà lis robis tipichis furlanis e il ben sta. Le prime edizion e a cjapât dentri 23 ostariis di Udin, ognidune cun tun menù fat di pueste pe ocasion in cubie cui vins furlans e in gracie di presits une vore popolârs. Ospits : Enzo Mancini e Marco Zoratti

Dai frutins che a Trave a vegnin fats resurî par podê jessi batiâts ae proteste cidine des feminis di Verzegnis tignudis matis o indemoniadis, de disubidience civîl dai fusilâts di Çurçuvint aes zornadis fadiosis des puartadoris impegnadis a furnî une vuere volude e puartade indevant dai oms.

Pandi e promovi viers i fruts plui piçui un just percors di educazion alimentâr, par insegnâur a inserì il lat e i prodots dal lat jenfri la alimentazion di ogni dì. A poiâ il progjet al è ancje il Consorzi di tutele dal Formadi Montâs insiemi a le Cjamare di Cumierç di Udin e Pordenon. Ospit: Elena Mitri.

L’incjant dal circ, acrobaziis par aiar e zûcs di abilitât. E se il tendon dal circ al devente ancje palc par spetacui, laboratoris e leturis, alore la esperience e devente pardabon uniche. Al è chel che al vûl fâ “Circo Contemporaneo Fvg”, la gnove iniziative estive che e tocjarà variis localitâts de regjon, tacant dal prin di Jugn.

Sul teme de formazion e de sigurece in edilizie, il Cefs di Udin al fâs scuele par dute la Italie, dal moment che e je stade nomenade tant che prime scuele edîl a vê une stazion di lavôr virtuâl e mobile par imparâ a doprâ ducj i imprescj dal cantîr clamant cussì su di se la atenzions di bande di dutis lis istituzions. Ospit: Loris Zanor, diretôr de scuele Cefs di Udin

“Protostoria in Friuli” al è un progjet di tutele e valorizazion des tombis e dai cjastelîrs dal Friûl, e di difusion dai risultâts vûts intal cjamp dai studis e de ricercje. Al viôt la colaborazion di 15 Comuns, de Universitât dal Friûl e de Sorintendence dal Friûl-Vignesie Julie. Un gnûf sît – di pôc in rêt – al informe su la impuartance di chest patrimoni e sui risultâts des indagjins archeologjichis.

Si conferme simpri di plui un probleme cetant seri par chel che al inten la tiere sute, in particolâr pe zone dai trê lâcs de aste dal Midune. Pal moment i implants di Tramonç a àn lis risiervis plenis di aghe dome te zone a Redone,invezit i doi cjadins dal Lâc di Selve e dal Lâc di Çul, plui a mont, a son cuasi suts. Une situazion che e preocupe une vore. Ospit: Valter Colussi, President dal Consorzi di Bonifiche Ciline Midune

A “Feminis, lavoradoris, maris” al è dedicât il Festival Costituzione in program a S. Denêl dai 27 ai 29 di Mai. Lu inmanee la Associazion di promozion sociâl “Per la Costituzione”, impegnade di simpri a formâ, traviers dal aprofondiment, un spirt critic cussient, ae fonde di un pinsîr libar e autonom.