La ativitât di "simulazion" di imprese e previôt che i students a sedin ancje socis de "cooperative scolastiche" in cuistion, par gjestî cussì il bar interni de scuele, che si clame "Sottobanco" e al restarà viert fin ai prins di Lui. Ospit: Nicola Galluà, segretari gjenerâl di Confcooperative F-VJ.

Al è in librarie "I figli dei Benandanti", il secont di doi volums di "La notte dei Benandanti", la saghe publicade di L'Arco e la Conte, là che Paolo Paron al conte lis esperiencis, la vite e lis bataiis cuintri striis e strions di chei "nassûts cu la cjamese".

La considerazion finâl e je che la sô orele no je plui chê di une volte. Ce robe o cui varaial fat chest dispiet al marangon? Cheste e je la storie dal video publicât chest an di un zovin regjist furlan, Matteo Ciani, e dai soi amîs di Buie. Ospits: Matteo Ciani, regjist dal film e Michele Fasiolo, artesan marangon.

In graciis de Catidre Unesco su la sigurece e la riduzion dai pericui di disastri de Universitât dal Friûl, tematichis tant che la sigurece intersetoriâl e la resilience ai disastris a puedin cjatâ inte esperience dal taramot dal Frûl ideis e riferiments metodologjics.

La opare, scrite di Gian Carlo Baschirotto par edizions Andrea Moro, e je stade promovude di un altri grant personaç furlan, Enzo Cainero, grant amì di Marchiol. A son stâts cjapâts dentri in cheste iniziative leterarie, ancje tancj personaçs impuartants, tant che l'alenadôr di balon Alberto Zaccheroni che al à scrite la prefazion dal libri. Ospit: Enzo Cainero

Al è in librarie il gnûf saç di Marco Pacini "Pensâ la fin. Discors public e crisi climatiche" publicât da Meltemi. Per l'autôr, la vie di jessude de crisi e je une: madressi un "pinsîr de fin", par podele evitâ.

Cu la biele stagjon che e scomence, ancje in mont si stan organizant par che i turiscj puedin gjoldi de nature e dai trois in dute sigurece. Par chest il CAI dal F-VJ al lavore par tignî nets i trois di mont, ancje midiant de opare di tancj volontaris che a vegnin formâts par cheste finalitât. Propit tal rispiet di chest lavôr dal CAI, al sarès ben che ducj chei che a van in mont a vedin un ategjament di rivuart, ancje sielzint un troi done daspò vê vudis dutis lis informazions justis.

Ospit: Elvio Antoniacomi, vicepresident dal CAI F-VJ.

La mostre "L'alfabet vert" a Vile Manin, gnove tape dal progjet Erpac su parcs e zardins storics de regjon, e met in evidence la impuartance dal lôr valôr culturâl descrivint la nature, la storie e la varietât.

Di risint, a Lignan, un grup di professioniscj al à metût adun une gnove iniziative a servizi dal teritori e in particolâr des impresis e dai citadins. Une struture professionâl che, in graciis dal discors multidissiplinâr e de integrazion des competencis, si presente cun tancj ponts di fuarce par ufrî tal stes ambient di lavôr diviers ponts di viste e professionalitât alte.

Ospite: Christina Mauro, tributariste e une dai fondadôrs dal progjet.

Dai 12 ai 15 di Mai al torne "Mittelyoung", il festival di Mittelfest par zovins cun mancul di 30 agns. Une rasegne uniche in Europe che a puarte in sene la gnove gjenerazion di artiscj de Mitteleurope.